Sri Gokulesha Ashtakam Lyrics in Telugu PDF
శ్రీ గోకులేశాష్టకం
నందగోపభూపవంశభూషణం విదూషణం
భూమిభూతిభూరిభాగ్యభాజనం భయాపహమ్ |
ధేనుధర్మరక్షణావతీర్ణపూర్ణవిగ్రహం
నీలవారివాహకాంతి గోకులేశమాశ్రయే || ౧ ||
గోపబాలసుందరీగణావృతం కళానిధిం
రాసమండలీవిహారకారికామసుందరమ్ |
పద్మయోనిశంకరాదిదేవబృందవందితం
నీలవారివాహకాంతి గోకులేశమాశ్రయే || ౨ ||
గోపరాజరత్నరాజిమందిరానురింగణం
గోపబాలబాలికాకలానురుద్ధగాయనమ్ |
సుందరీమనోజభావభాజనాంబుజాననం
నీలవారివాహకాంతి గోకులేశమాశ్రయే || ౩ ||
కంసకేశికుంజరాజదుష్టదైత్యదారణం
ఇంద్రసృష్టవృష్టివారివారణోద్ధృతాచలమ్ |
కామధేనుకారితాభిధానగానశోభితం
నీలవారివాహకాంతి గోకులేశమాశ్రయే || ౪ ||
గోపికాగృహాంతగుప్తగవ్యచౌర్యచంచలం
దుగ్ధభాండభేదభీతలజ్జితాస్యపంకజమ్ |
ధేనుధూళిధూసరాంగశోభిహారనూపురం
నీలవారివాహకాంతి గోకులేశమాశ్రయే || ౫ ||
వత్సధేనుగోపబాలభీషణాస్యవహ్నిపం
కేకిపింఛకల్పితావతంసశోభితాననమ్ |
వేణునాదమత్తఘోషసుందరీమనోహరం
నీలవారివాహకాంతి గోకులేశమాశ్రయే || ౬ ||
గర్వితామరేంద్రకల్పకల్పితాన్నభోజనం
శారదారవిందబృందశోభిహంసజారతమ్ |
దివ్యగంధలుబ్ధభృంగపారిజాతమాలినం
నీలవారివాహకాంతి గోకులేశమాశ్రయే || ౭ ||
వాసరావసానగోష్ఠగామిగోగణానుగం
ధేనుదోహదేహగేహమోహవిస్మయక్రియమ్ |
స్వీయగోకులేశదానదత్తభక్తరక్షణం
నీలవారివాహకాంతి గోకులేశమాశ్రయే || ౮ ||
ఇతి శ్రీరఘునాథాచార్య విరచితం శ్రీగోకులేశాష్టకమ్ ||
Lord Krishna Related Stotras
Krishna Ashtakam (Adi Shankaracharya Kritam) in Telugu | కృష్ణాష్టకం (ఆదిశంకరాచార్య కృతం)
Sri Giridhari Ashtakam Lyrics in Telugu | శ్రీ గిరిధార్యష్టకం
Sri Krishna Stotram (Mohini Kritam) Telugu Lyrics | శ్రీ కృష్ణ స్తోత్రం (మోహినీ కృతం)
Sri Krishna Stotram (Brahma Krutam) Telugu Lyrics | శ్రీ కృష్ణ స్తోత్రం (బ్రహ్మ కృతం)
Sri Krishna Stotram (Indra Kritam) Lyrics in Telugu | శ్రీ కృష్ణ స్తోత్రం (ఇంద్ర కృతం)
Sri Krishna Sharanashtakam 2 Lyrics in Telugu | శ్రీ కృష్ణ శరణాష్టకం
Sri Krishna Sharana Ashtakam Lyrics in Telugu | శ్రీ కృష్ణ శరణాష్టకం
Sri Krishna Lahari Stotram Lyrics in Telugu | శ్రీ కృష్ణలహరీ స్తోత్రం
Sri Radha Krishna Ashtakam Lyrics in Telugu | శ్రీ రాధాకృష్ణాష్టకం
Jaya Janardhana Krishna Radhika Pathe in Telugu | జయ జనార్దనా కృష్ణా రాధికాపతే
Gopi Gitam (Gopika Gitam) Lyrics in Telugu | గోపీ గీతం (గోపికా గీతం)
