Sri Ganapati Mantraksharavali Stotram Lyrics in Telugu
1శ్రీ గణపతి మంత్రాక్షరావళి స్తోత్రం
శ్రీదేవ్యువాచ |
వినా తపో వినా ధ్యానం వినా హోమం వినా జపమ్ |
అనాయాసేన విఘ్నేశప్రీణనం వద మే ప్రభో || ౧ ||
మహేశ్వర ఉవాచ |
మంత్రాక్షరావలిస్తోత్రం మహాసౌభాగ్యవర్ధనమ్ |
దుర్లభం దుష్టమనసాం సులభం శుద్ధచేతసామ్ || ౨ ||
మహాగణపతిప్రీతిప్రతిపాదకమంజసా |
కథయామి ఘనశ్రోణి కర్ణాభ్యామవతంసయ || ౩ ||
ఓంకారవలయాకారం అచ్ఛకల్లోలమాలికమ్ |
ఐక్షవం చేతసా వందే సింధుం సంధుక్షితస్వనమ్ || ౪ ||
శ్రీమంతమిక్షుజలధేః అంతరభ్యుదితం నుమః |
మణిద్వీపం మహాకారం మహాకల్పం మహోదయమ్ || ౫ ||
హ్రీప్రదేన మహాధామ్నా ధామ్నామీశే విభారకే |
కల్పోద్యానస్థితం వందే భాస్వంతం మణిమండపమ్ || ౬ ||
క్లీబస్యాపి స్మరోన్మాదకారిశృంగారశాలిని |
తన్మధ్యే గణనాథస్య మణిసింహాసనం భజే || ౭ ||
గ్లౌకలాభిరివాచ్ఛాభిస్తీవ్రాదినవశక్తిభిః |
జుష్టం లిపిమయం పద్మం ధర్మాద్యాశ్రయమాశ్రయే || ౮ ||
గంభీరమివ తత్రాబ్ధిం వసంతం త్ర్యశ్రమండలే |
ఉత్సంగగతలక్ష్మీకం ఉద్యత్తిగ్మాంశుపాటలమ్ || ౯ ||
గదేక్షుకార్ముకరుజాచక్రాంబుజగుణోత్పలైః |
వ్రీహ్యగ్రనిజదంతాగ్రకలశీమాతులుంగకైః || ౧౦ ||
ణషష్ఠవర్ణవాచ్యస్య దారిద్ర్యస్య విభంజకైః |
ఏతైరేకాదశకరాన్ అలంకుర్వాణమున్మదమ్ || ౧౧ ||
పరానందమయం భక్తప్రత్యూహవ్యూహనాశనమ్ |
పరమార్థప్రబోధాబ్ధిం పశ్యామి గణనాయకమ్ || ౧౨ ||
తత్పురః ప్రస్ఫురద్బిల్వమూలపీఠసమాశ్రయౌ |
రమారమేశౌ విమృశామ్యశేషశుభదాయకౌ || ౧౩ ||
యేన దక్షిణభాగస్థన్యగ్రోధతలమాశ్రితమ్ |
సాకల్పం సాయుధం వందే తం సాంబం పరమేశ్వరమ్ || ౧౪ ||
వరసంభోగరుచిరౌ పశ్చిమే పిప్పలాశ్రయౌ |
రమణీయతరౌ వందే రతిపుష్పశిలీముఖౌ | ౧౫ ||
రమమాణౌ గణేశానోత్తరదిక్ఫలినీతలే |
భూభూధరావుదారాభౌ భజే భువనపాలకౌ || ౧౬ ||
వలమానవపుర్జ్యోతిః కడారితకకుప్తటీః |
హృదయాద్యంగషడ్దేవీరంగరక్షాకృతే భజే || ౧౭ ||
రదకాండరుచిజ్యోత్స్నాకాశగండస్రవన్మదమ్ |
ఋద్ధ్యాశ్లేషకృతామోదమామోదం దేవమాశ్రయే || ౧౮ ||
దలత్కపోలవిగలన్మదధారావలాహకమ్ |
సమృద్ధితటిదాశ్లిష్టం ప్రమోదం హృది భావయే || ౧౯ ||
సకాంతిం కాంతిలతికాపరిరబ్ధతనుం భజే |
భుజప్రకాండసచ్ఛాయం సుముఖం కల్పపాదపమ్ || ౨౦ ||
మిగతా స్తోత్రం కోసం తరువాతి పేజీలోకి వెళ్ళండి.
