Sri Adi Varahi Stotram Lyrics In Telugu PDF
శ్రీ ఆదివారాహీ స్తోత్రం
నమోఽస్తు దేవీ వారాహి జయైంకారస్వరూపిణి |
జపిత్వా భూమిరూపేణ నమో భగవతః ప్రియే || ౧ ||
జయ క్రోడాస్తు వారాహి దేవీ త్వాం చ నమామ్యహమ్ |
జయ వారాహి విశ్వేశి ముఖ్యవారాహి తే నమః || ౨ ||
ముఖ్యవారాహి వందే త్వాం అంధే అంధిని తే నమః |
సర్వదుష్టప్రదుష్టానాం వాక్‍స్తంభనకరీ నమః || ౩ ||
నమః స్తంభిని స్తంభే త్వాం జృంభే జృంభిణి తే నమః |
రుంధే రుంధిని వందే త్వాం నమో దేవీ తు మోహినీ || ౪ ||
స్వభక్తానాం హి సర్వేషాం సర్వకామప్రదే నమః |
బాహ్వోః స్తంభకరీ వందే చిత్తస్తంభని తే నమః || ౫ ||
చక్షుస్తంభిని త్వాం ముఖ్యస్తంభినీ తే నమో నమః |
జగత్ స్తంభిని వందే త్వాం జిహ్వస్తంభనకారిణి || ౬ ||
స్తంభనం కురు శత్రూణాం కురు మే శత్రునాశనమ్ |
శీఘ్రం వశ్యం చ కురుతే యోఽగ్నౌ వాచాత్మికే నమః || ౭ ||
ఠచతుష్టయరూపే త్వాం శరణం సర్వదా భజే |
హోమాత్మకే ఫడ్రూపేణ జయ ఆద్యాననే శివే || ౮ ||
దేహి మే సకలాన్ కామాన్ వారాహి జగదీశ్వరీ |
నమస్తుభ్యం నమస్తుభ్యం నమస్తుభ్యం నమో నమః || ౯ ||
ఇదమాద్యాననా స్తోత్రం సర్వపాపవినాశనమ్ |
పఠేద్యః సర్వదా భక్త్యా పాతకైర్ముచ్యతే తథా || ౧౦ ||
లభంతే శత్రవో నాశం దుఃఖరోగాపమృత్యవః |
మహదాయుష్యమాప్నోతి అలక్ష్మీర్నాశమాప్నుయాత్ || ౧౧ ||
ఇతి శ్రీ ఆదివారాహీ స్తోత్రమ్ |
Sri Varahi Devi Related Stotras
Sri Varahamukhi Stava Lyrics In Telugu | శ్రీ వరాహముఖీ స్తవః
Sri Varahi Sahasranamavali Lyrics In Telugu | శ్రీ వారాహీ సహస్రనామావళిః
Sri Varahi Sahasranama Stotram Lyrics In Telugu | శ్రీ వారాహీ సహస్రనామ స్తోత్రం
Sri Varahidevi Anugrahashtakam | శ్రీ వారాహీదేవి అనుగ్రహాష్టకమ్
