Shanmukha Dhyana Slokah Lyrics In Telugu
షణ్ముఖ ధ్యాన శ్లోకాః
షడాననం త్రిషణ్ణేత్రం విద్రుమాభం ద్విపాదకమ్ |
ఖడ్గాభయగదాశక్తిఖేటం దక్షిణబాహుభిః || ౧ ||
వరపద్మధనుఃశూలవజ్రాన్ వామేన ధారిణమ్ |
వజ్రప్రవాళవైడూర్యప్రత్యుప్తమకుటాన్వితమ్ || ౨ ||
పీతాంబరవిభూషాఢ్యం దివ్యగంధానులేపనమ్ |
రత్నాద్యాభరణైర్యుక్తం ప్రసన్నవదనాన్వితమ్ || ౩ ||
మయూరేశసమాసీనం సర్వాభరణభూషితమ్ |
గుహం షోడశవేతానం షణ్ముఖం చ విభావయేత్ || ౪ ||
– పూర్వముఖ ధ్యానం –
వచద్భువం శశాంకాభం ఏకవక్త్రం త్రిలోచనమ్ |
చతుర్భుజసమాయుక్తం వరాభయసమన్వితమ్ ||
సవ్యే చాన్యే దండయుతం ఊరూహస్తం చ వామకే |
రుద్రాక్షమాలాభరణం భస్మపుండ్రాంకితం క్రమాత్ ||
పురశ్చూడాసమాయుక్తం మౌంజీకౌపీనధారిణమ్ |
అక్షమాలాసమాయుక్తం పాదుకాద్వయభూషితమ్ ||
కాషాయవస్త్రసంయుక్తం వచద్భువం విభావయేత్ ||
– దక్షిణముఖ ధ్యానం –
జగద్భూతం భృంగవర్ణం ఏకవక్త్రం వరాభయమ్ |
శక్తిశూలసమాయుక్తం కరండమకుటాన్వితమ్ |
మయురేశసమాసీనం భావయే చ విశేషతః ||
– నైరృతిముఖ ధ్యానం –
విశ్వభువం చ రక్తాభం ఏకవక్త్రం త్రిలోచనమ్ |
వరాభయకరోపేతం ఖడ్గఖేటకసంయుతమ్ |
మయూరవాహనారూఢం భావయేత్సతతం ముదా ||
– పశ్చిమముఖ ధ్యానం –
శుక్లవర్ణం బ్రహ్మభువం ఏకవక్త్రం త్రిలోచనమ్ |
వరాభయసమాయుక్తం ఘంటానాదసమన్వితమ్ |
మయూరేశసమాసీనం భావయే చ విశేషతః ||
– ఉత్తరముఖ ధ్యానం –
హేమవర్ణం చాగ్నిభువం త్రినేత్రం చైకవక్త్రకమ్ |
వరాభయసమాయుక్తం గదాధ్వజసమన్వితమ్ |
మయూరవాహనారూఢం భావయేద్వహ్నిసంభవమ్ ||
– ఈశానముఖ ధ్యానం –
బృహద్భువం చ స్ఫటికవర్ణాభం చైకవక్త్రకమ్ |
వరాభయసమాయుక్తం త్రినేత్రం యజ్ఞసూత్రకమ్ |
మయూరేశసమాసీనం బృహద్భువం విభావయేత్ ||
ఓం నమో భగవతే సుబ్రహ్మణ్యాయ |
Sri Subrahmanya Swamy Related Stotras
Sri Shanmukha Pancharatna Stuti Lyrics | శ్రీ షణ్ముఖ పంచరత్న స్తుతిః
Sri Karthikeya Ashtakam Lyrics In Telugu | శ్రీ కార్తికేయాష్టకం
Sri Subrahmanya Shatkam Lyrics in Telugu | శ్రీ సుబ్రహ్మణ్య షట్కం
Sri Karthikeya Panchakam Lyrics In Telugu | శ్రీ కార్తికేయ పంచకం
Saravanabhava Mantrakshara Shatkam In Telugu | శరవణభవ మంత్రాక్షర షట్కం
Sri Karthikeya Stotram Lyrics In Telugu | శ్రీ కార్తికేయ స్తోత్రం
Sri Karthikeya Karavalamba Stotram In Telugu | శ్రీ కార్తికేయ కరావలంబ స్తోత్రం
Sri Subrahmanya Vajra Panjara Kavacham | శ్రీ సుబ్రహ్మణ్య వజ్రపంజర కవచం
Sri Subrahmanya Mangala Ashtakam in Telugu | శ్రీ సుబ్రహ్మణ్య మంగళాష్టకం
