Narayaneeyam Dasakam 51 Lyrics in Telugu PDF
నారాయణీయం ఏకపంచశత్తమదశకం
ఏకపఞ్చాశత్తమశకమ్ (౫౧) – అఘాసురవధమ్
కదాచన వ్రజశిశుభిః సమం భవాన్
వనాశనే విహితమతిః ప్రగేతరామ్ |
సమావృతో బహుతరవత్సమణ్డలైః
సతేమనైర్నిరగమదీశ జేమనైః || ౫౧-౧ ||
వినిర్యతస్తవ చరణాంబుజద్వయా-
దుదఞ్చితం త్రిభువనపావనం రజః |
మహర్షయః పులకధరైః కలేబరై-
రుదూహిరే ధృతభవదీక్షణోత్సవాః || ౫౧-౨ ||
ప్రచారయత్యవిరలశాద్వలే తలే
పశూన్విభో భవతి సమం కుమారకైః |
అఘాసురో న్యరుణదఘాయ వర్తనీం
భయానకః సపది శయానకాకృతిః || ౫౧-౩ ||
మహాచలప్రతిమతనోర్గుహానిభ-
ప్రసారితప్రథితముఖస్య కాననే |
ముఖోదరం విహరణకౌతుకాద్గతాః
కుమారకాః కిమపి విదూరగే త్వయి || ౫౧-౪ ||
ప్రమాదతః ప్రవిశతి పన్నగోదరం
క్వథత్తనౌ పశుపకులే సవాత్సకే |
విదన్నిదం త్వమపి వివేశిథ ప్రభో
సుహృజ్జనం విశరణమాశు రక్షితుమ్ || ౫౧-౫ ||
గలోదరే విపులితవర్ష్మణా త్వయా
మహోరగే లుఠతి నిరుద్ధమారుతే |
ద్రుతం భవాన్విదలితకణ్ఠమణ్డలో
విమోచయన్పశుపపశూన్ వినిర్యయౌ || ౫౧-౬ ||
క్షణం దివి త్వదుపగమార్థమాస్థితం
మహాసురప్రభవమహో మహో మహత్ |
వినిర్గతే త్వయి తు నిలీనమఞ్జసా
నభఃస్థలే ననృతురథో జగుస్సురాః || ౫౧-౭ ||
సవిస్మయైః కమలభవాదిభిః సురై-
రనుద్రుతస్తదను గతః కుమారకైః |
దినే పునస్తరుణదశాముపేయుషి
స్వకైర్భవానతనుత భోజనోత్సవమ్ || ౫౧-౮ ||
విషాణికామపి మురలీం నితంబకే
నివేశయన్కబలధరః కరాంబుజే |
ప్రహాసయన్కలవచనైః కుమారకాన్
బుభోజిథ త్రిదశగణైర్ముదా నుతః || ౫౧-౯ ||
సుఖాశనం త్విహ తవ గోపమణ్డలే
మఖాశనాత్ప్రియమివ దేవమణ్డలే |
ఇతి స్తుతస్త్రిదశవరైర్జగత్పతే
మరుత్పురీనిలయ గదాత్ప్రపాహి మామ్ || ౫౧-౧౦ ||
ఇతి ఏకపఞ్చాశత్తమదశకం సమాప్తమ్ |
Sri Narayaneeyam Dasakam Related Stotras
Narayaneeyam Dasakam 52 Lyrics in Telugu | నారాయణీయం ద్విపంచశత్తమదశకం
Narayaneeyam Dasakam 50 Lyrics in Telugu | నారాయణీయం పంచశత్తమదశకం
Narayaneeyam Dasakam 49 Lyrics in Telugu | నారాయణీయం ఏకోనపఞ్చాశత్తమదశకం
Narayaneeyam Dasakam 48 Lyrics in Telugu | నారాయణీయం అష్టచత్వారింశదశకం
Narayaneeyam Dasakam 47 Lyrics in Telugu | నారాయణీయం సప్తచత్వారింశదశకం
Narayaneeyam Dasakam 46 Lyrics in Telugu | నారాయణీయం షట్చత్వారింశదశకం
Narayaneeyam Dasakam 45 Lyrics in Telugu | నారాయణీయం పంచత్వారింశదశకం
Narayaneeyam Dasakam 44 Lyrics in Telugu | నారాయణీయం చతుశ్చత్వారింశదశకం
Narayaneeyam Dasakam 43 Lyrics in Telugu | నారాయణీయం త్రిచత్వారింశదశకం
Narayaneeyam Dasakam 42 Lyrics in Telugu | నారాయణీయం ద్విచత్వారింశదశకం
Narayaneeyam Dasakam 41 Lyrics in Telugu | నారాయణీయం ఏకచత్వారింశదశకం
