Narayaneeyam Dasakam 15 Lyrics in Telugu PDF
నారాయణీయం పంచదశదశకం
పఞ్చదశదశకమ్ (౧౫) – కపిలోపదేశమ్
మతిరిహ గుణసక్తా బన్ధకృత్తేష్వసక్తా
త్వమృతకృదుపరున్ధే భక్తియోగస్తు సక్తిమ్ |
మహదనుగమలభ్యా భక్తిరేవాత్ర సాధ్యా
కపిలతనురితి త్వం దేవహూత్యై న్యగాదీః || ౧౫-౧ ||
ప్రకృతిమహదహఙ్కారాశ్చ మాత్రాశ్చ భూతా-
న్యపి హృదపి దశాక్షీ పూరుషః పఞ్చవింశః |
ఇతి విదితవిభాగో ముచ్యతేఽసౌ ప్రకృత్యా
కపిలతనురితి త్వం దేవహూత్యై న్యగాదీః || ౧౫-౨ ||
ప్రకృతిగతగుణౌఘైర్నాజ్యతే పూరుషోఽయం
యది తు సజతి తస్యాం తద్గుణాస్తం భజేరన్ |
మదనుభజనతత్త్వాలోచనైః సాప్యపేయాత్
కపిలతనురితి త్వం దేవహూత్యై న్యగాదీః || ౧౫-౩ ||
విమలమతిరుపాత్తైరాసనాద్యైర్మదఙ్గం
గరుడసమధిరూఢం దివ్యభూషాయుధాఙ్కమ్ |
రుచితులితతమాలం శీలయేతానువేలం
కపిలతనురితి త్వం దేవహూత్యై న్యగాదీః || ౧౫-౪ ||
మమ గుణగణలీలాకర్ణనైః కీర్తనాద్యైః
మయి సురసరిదోఘప్రఖ్యచిత్తానువృత్తిః |
భవతి పరమభక్తిః సా హి మృత్యోర్విజేత్రీ
కపిలతనురితి త్వం దేవహూత్యై న్యగాదీః || ౧౫-౫ ||
అహహ బహులహింసాసఞ్చితార్థైః కుటుంబం
ప్రతిదినమనుపుష్ణన్ స్త్రీజితో బాలలాలీ |
విశతి హి గృహసక్తో యాతనాం మయ్యభక్తః
కపిలతనురితి త్వం దేవహూత్యై న్యగాదీః || ౧౫-౬ ||
యువతిజఠరఖిన్నో జాతబోధోఽప్యకాణ్డే
ప్రసవగలితబోధః పీడయోల్లఙ్ఘ్య బాల్యమ్ |
పునరపి బత ముహ్యత్యేవ తారుణ్యకాలే
కపిలతనురితి త్వం దేవహూత్యై న్యగాదీః || ౧౫-౭ ||
పితృసురగణయాజీ ధార్మికో యో గృహస్థః
స చ నిపతతి కాలే దక్షిణాధ్వోపగామీ |
మయి నిహితమకామం కర్మ తూదక్పథార్థం
కపిలతనురితి త్వం దేవహూత్యై న్యగాదీః || ౧౫-౮ ||
ఇతి సువిదితవేద్యాం దేవ హే దేవహూతిం
కృతనుతిమనుగృహ్య త్వం గతో యోగిసఙ్ఘైః |
విమలమతిరథాఽసౌ భక్తియోగేన ముక్తా
త్వమపి జనహితార్థం వర్తసే ప్రాగుదీచ్యామ్ || ౧౫-౯ ||
పరమ కిము బహూక్త్యా త్వత్పదాంభోజభక్తిం
సకలభయవినేత్రీం సర్వకామోపనేత్రీమ్ |
వదసి ఖలు దృఢం త్వం తద్విధూయామయాన్మే
గురుపవనపురేశ త్వయ్యుపాధత్స్వ భక్తిమ్ || ౧౫-౧౦ ||
ఇతి పఞ్చదశదశకం సమాప్తమ్ |
Sri Narayaneeyam Dasakam Related Stotras
Narayaneeyam Dasakam 16 Lyrics in Telugu | నారాయణీయం షోడశదశదశకం
Narayaneeyam Dasakam 14 Lyrics in Telugu | నారాయణీయం చతుర్దశదశకం
Narayaneeyam Dasakam 13 Lyrics in Telugu | నారాయణీయం త్రయోదశదశకం
Narayaneeyam Dasakam 12 Lyrics in Telugu | నారాయణీయం ద్వాదశదశకం
Narayaneeyam Dasakam 11 Lyrics in Telugu | నారాయణీయం ఏకాదశదశకం
Narayaneeyam Dasakam 10 Lyrics in Telugu | నారాయణీయం దశమదశకం
Narayaneeyam Dasakam 8 Lyrics in Telugu | నారాయణీయం అష్టమదశకం
Narayaneeyam Dasakam 7 Lyrics in Telugu | నారాయణీయం సప్తమదశకం
Narayaneeyam Dasakam 6 Lyrics in Telugu | నారాయణీయం షష్ఠదశకం
Narayaneeyam Dasakam 5 Lyrics in Telugu | నారాయణీయం పంచమదశకం
