Narada Kruta Ganapati Stotram Lyrics in Telugu
శ్రీ గణపతి స్తోత్రం (నారద కృతం)
నారద ఉవాచ |
భో గణేశ సురశ్రేష్ఠ లంబోదర పరాత్పర |
హేరంబ మంగళారంభ గజవక్త్ర త్రిలోచన || ౧ ||
ముక్తిద శుభద శ్రీద శ్రీధరస్మరణే రత |
పరమానంద పరమ పార్వతీనందన స్వయమ్ || ౨ ||
సర్వత్ర పూజ్య సర్వేశ జగత్పూజ్య మహామతే |
జగద్గురో జగన్నాథ జగదీశ నమోఽస్తు తే || ౩ ||
యత్పూజా సర్వపురతో యః స్తుతః సర్వయోగిభిః |
యః పూజితః సురేంద్రైశ్చ మునీంద్రైస్తం నమామ్యహమ్ || ౪ ||
పరమారాధనేనైవ కృష్ణస్య పరమాత్మనః |
పుణ్యకేన వ్రతేనైవ యం ప్రాప పార్వతీ సతీ || ౫ ||
తం నమామి సురశ్రేష్ఠం సర్వశ్రేష్ఠం గరీష్ఠక |
జ్ఞానిశ్రేష్ఠం వరిష్ఠం చ తం నమామి గణేశ్వరమ్ || ౬ ||
ఇత్యేవముక్త్వా దేవర్షిస్తత్రైవాంతర్దధే విభుః |
నారదః ప్రయయౌ శీఘ్రమీశ్వరాభ్యంతరం ముదా || ౭ ||
ఇదం లంబోదరస్తోత్రం నారదేన కృతం పురా |
పూజాకాలే పఠేన్నిత్యం జయం తస్య పదే పదే || ౮ ||
సంకల్పితం పఠేద్యో హి వర్షమేకం సుసంయతః |
విశిష్టపుత్రం లభతే పరం కృష్ణపరాయణమ్ || ౯ ||
యశస్వినం చ విద్వాంసం ధనినం చిరజీవినమ్ |
విఘ్ననాశో భవేత్తస్య మహైశ్వర్యం యశోఽమలమ్ |
ఇహైవ చ సుఖం భక్త్యా అంతే యాతి హరేః పదమ్ || ౧౦ ||
ఇతి శ్రీనారదపంచరాత్రే జ్ఞానామృతసారే ప్రథమైకరాత్రే గణపతిస్తోత్రం నామ సప్తమోఽధ్యాయః |
Lord Ganesha Stotras
Runa Vimochana Ganapati Stotram | శ్రీ ఋణవిమోచన మహాగణపతి స్తోత్రం
Ucchista Ganapati Stotram in Telugu | ఉచ్ఛిష్ట గణపతి స్తోత్రం
Runa Hartru Ganesha Stotram in Telugu | శ్రీ ఋణహర్తృ గణేశ స్తోత్రం
Devarshi Kruta Gajanana Stotram in Telugu | శ్రీ గజానన స్తోత్రం (దేవర్షి కృతం)
Sri Ganapati Atharvashirsha Upanishat in Telugu | శ్రీ గణపత్యథర్వశీర్షోపనిషత్
Sri Ganapati Mantraksharavali Stotram in Telugu | శ్రీ గణపతి మంత్రాక్షరావళి స్తోత్రం
