shuklaambara dharam vishnum slokam meaning

చతుర్భుజం –నాలుగు భుజములు కలిగినవాడు . పాశము, అంకుశము, మోదకము మరియు అభయ 

హస్తము కలిగినవాడు అన్నది స్థూలమైన  అర్థము.  మన ఆశా పాశమునకు అంకుశము వేస్తే ఆయనకది 

మోదకము. అప్పుడు ఆయన అభయహస్తము మనకు సిద్ధిస్తుంది. 

ఆయన సర్వాంతర్యామి అని చెప్పుకొన్నాము గదా మరి సర్వాంతర్యామికి నాలుగు భుజాలేవి : నాలుగు 

దిక్కులూ కావచ్చు నాలుగు వేదములు కావచ్చు . 

ప్రసన్న వదనం : నగుమోము కలిగినవాడు అన్నది స్థూలమైన అర్థం . 

‘నిరుక్తము’ను ఆశ్రయించితే  ‘ప్రసన్నో గజయూధపః’ అని తెలియబరచుతుంది . గజయూధము అంటే ఏనుగుల సమూహము. ‘ప’ అంటే అధిపతి రాజు అని అర్థం . ఒకటి కాదు రెండు కాదు చతుర్దశ  భువనాలలోని ఏనుగులకూ ఆయన అధిపతి. అంటే ఆయన ఎవరు ‘గజాననుడే.’

సర్వ విఘ్నోపశాంతయే– ఆటంకముల నన్నింటినీ మట్టుబెట్టుటకు (సర్వ+ విఘ్న ఉపశాంతయే)

ధ్యాయేత్ –ప్రార్థింతుము .