Kundalini Stava Lyrics Telugu
కుండలినీ స్తవం
Kundalini Stava Chanting Benefits
The Kundalini Stava is a prayer that honoring the goddess Kundalini. Recite Kundalini Stavaha will give radiated immense love, seeking the goddess’s wisdom, grace, and blessings. (కుండలినీ దేవతను గౌరవించే ప్రార్థనే కుండలినీ స్తవం. కుండలిని స్తవంను పఠించండి, దేవత యొక్క జ్ఞానం, అనుగ్రహం మరియు ఆశీర్వాదాలను కోరుతూ ప్రకాశించే అపారమైన ప్రేమను ఇస్తుంది.)
॥ కుణ్డలినీస్తవః రుద్రయామలోత్తర తన్త్రాన్తర్గతమ్ ॥
జన్మోద్ధారనిరీక్షణీహతరుణీ వేదాదిబీజాదిమా
నిత్యం చేతసి భావ్యతే భువి కదా సద్వాక్యసఞ్చారిణీ ।
మాం పాతు ప్రియదాసభావకపదం సంన్ఘాతయే శ్రీధరా
ధాత్రి త్వం స్వయమాదిదేవవనితా దీనాతిదీనం పశుమ్ ॥ ౬-౨౯॥
రక్తాభామృతచన్ద్రికా లిపిమయీ సర్పాకృతిర్నిద్రితా
జాగ్రత్కూర్మసమాశ్రితా భగవతి త్వం మాం సమాలోకయ ।
మాంసోద్గన్ధకుగన్ధదోషజడితం వేదాదికార్యాన్వితం
స్వల్పాన్యామలచన్ద్రకోటికిరణైర్నిత్యం శరీరం కురు ॥ ౬-౩౦॥
సిద్ధార్థీ నిజదోషవిత్ స్థలగతిర్వ్యాజీయతే విద్యయా
కుణ్డల్యాకులమార్గముక్తనగరీ మాయాకుమార్గః శ్రియా ।
యద్యేవం భజతి ప్రభాతసమయే మధ్యాహ్నకాలేఽథవా
నిత్యం యః కులకుణ్డలీజపపదామ్భోజం స సిద్ధో భవేత్ ॥ ౬-౩౧॥
వాయ్వాకాశచతుర్దలేఽతివిమలే వాఞ్ఛాఫలాన్యాలకే
నిత్యం సమ్ప్రతి నిత్యదేహఘటితా శాఙ్కేతితాభావితా ।
విద్యాకుణ్డలమాలినీ స్వజననీ మాయాక్రియా భావ్యతే
యైస్తైః సిద్ధకులోద్భవైః ప్రణతిభిః సత్స్తోత్రకైః శమ్భుభిః ॥ ౬-౩౨॥
ధాతాశఙ్కర మోహినీత్రిభువనచ్ఛాయాపటోద్గామినీ
సంసారాదిమహాసుఖప్రహరణీ తత్రస్థితా యోగినీ ।
సర్వగ్రన్థివిభేదినీ స్వభుజగా సూక్ష్మాతిసూక్ష్మాపరా
బ్రహ్మజ్ఞానవినోదినీ కులకుటీ వ్యాఘాతినీ భావ్యతే ॥ ౬-౩౩॥
వన్దే శ్రీకులకుణ్డలీత్రివలిభిః సాఙ్గైః స్వయమ్భూం ప్రియమ్
ప్రావేష్ట్యామ్బరమార్గచిత్తచపలా బాలాబలానిష్కలా ।
యా దేవీ పరిభాతి వేదవచనా సమ్భావినీ తాపినీ
ఇష్టానాం శిరసి స్వయమ్భువనితాం సమ్భావయామి క్రియామ్ ॥ ౬-౩౪॥
వాణీకోటిమృదఙ్గనాదమదనానిశ్రేణికోటిధ్వనిః
ప్రాణేశీరసరాశిమూలకమలోల్లాసైకపూర్ణాననా ।
ఆషాఢోద్భవమేఘవాజనియుతధ్వాన్తాననాస్థాయినీ
మాతా సా పరిపాతు సూక్ష్మపథగే మాం యోగినాం శఙ్కరః ॥ ౬-౩౫॥
త్వామాశ్రిత్య నరా వ్రజన్తి సహసా వైకుణ్ఠకైలాసయోః
ఆనన్దైకవిలాసినీం శశిశతానన్దాననాం కారణామ్ ।
మాతః శ్రీకులకుణ్డలీ ప్రియకరే కాలీకులోద్దీపనే
తత్స్థానం ప్రణమామి భద్రవనితే మాముద్ధర త్వం పశుమ్ ॥ ౬-౩౬॥
కుణ్డలీశక్తిమార్గస్థం స్తోత్రాష్టకమహాఫలమ్ ।
యతః పఠేత్ ప్రాతరుత్థాయ స యోగీ భవతి ధ్రువమ్ ॥ ౬-౩౭॥
క్షణాదేవ హి పాఠేన కవినాథో భవేదిహ ।
పఠేత్ శ్రీకుణ్డలో యోగో బ్రహ్మలీనో భవేత్ మహాన్ ॥ ౬-౩౮॥
ఇతి తే కథితం నాథ కుణ్డలీకోమలం స్తవమ్ ।
ఏతత్స్తోత్రప్రసాదేన దేవేషు గురుగీష్పతిః ॥ ౬-౩౯॥
సర్వే దేవాః సిద్ధియుతాః అస్యాః స్తోత్రప్రసాదతః ।
ద్విపరార్ద్ధం చిరఞ్జీవీ బ్రహ్మా సర్వసురేశ్వరః ॥ ౬-౪౦॥
॥ ఇతి రుద్రయామలోత్తరతన్త్రాన్తర్గతే కుణ్డలినీస్తవః సమ్పూర్ణమ్ ॥
