Brahma Kruta Sri Rama Stuti Lyrics in Telugu
శ్రీ రామ స్తుతిః (బ్రహ్మదేవ కృతం)
బ్రహ్మోవాచ |
వందే దేవం విష్ణుమశేషస్థితిహేతుం
త్వామధ్యాత్మజ్ఞానిభిరంతర్హృది భావ్యమ్ |
హేయాహేయద్వంద్వవిహీనం పరమేకం
సత్తామాత్రం సర్వహృదిస్థం దృశిరూపమ్ || ౧ ||
ప్రాణాపానౌ నిశ్చయబుద్ధ్యా హృది రుద్ధ్వా
ఛిత్త్వా సర్వం సంశయబంధం విషయౌఘాన్ |
పశ్యంతీశం యం గతమోహా యతయస్తం
వందే రామం రత్నకిరీటం రవిభాసమ్ || ౨ ||
మాయాతీతం మాధవమాద్యం జగదాదిం
మానాతీతం మోహవినాశం మునివంద్యమ్ |
యోగిధ్యేయం యోగవిధానం పరిపూర్ణం
వందే రామం రంజితలోకం రమణీయమ్ || ౩ ||
భావాభావప్రత్యయహీనం భవముఖ్యై-
-ర్యోగాసక్తైరర్చితపాదాంబుజయుగ్మమ్ |
నిత్యం శుద్ధం బుద్ధమనంతం ప్రణవాఖ్యం
వందే రామం వీరమశేషాసురదావమ్ || ౪ ||
త్వం మే నాథో నాథితకార్యాఖిలకారీ
మానాతీతో మాధవరూపోఽఖిలాధారీ |
భక్త్యా గమ్యో భావితరూపో భవహారీ
యోగాభ్యాసైర్భావితచేతః సహచారీ || ౫ ||
త్వామాద్యంతం లోకతతీనాం పరమీశం
లోకానాం నో లౌకికమానైరధిగమ్యమ్ |
భక్తిశ్రద్ధాభావసమేతైర్భజనీయం
వందే రామం సుందరమిందీవరనీలమ్ || ౬ ||
కో వా జ్ఞాతుం త్వామతిమానం గతమానం
మాయాసక్తో మాధవ శక్తో మునిమాన్యమ్ |
వృందారణ్యే వందితవృందారకవృందం
వందే రామం భవముఖవంద్యం సుఖకందమ్ || ౭ ||
నానాశాస్త్రైర్వేదకదంబైః ప్రతిపాద్యం
నిత్యానందం నిర్విషయజ్ఞానమనాదిమ్ |
మత్సేవార్థం మానుషభావం ప్రతిపన్నం
వందే రామం మరకతవర్ణం మథురేశమ్ || ౮ ||
శ్రద్ధాయుక్తో యః పఠతీమం స్తవమాద్యం
బ్రాహ్మం బ్రహ్మజ్ఞానవిధానం భువి మర్త్యః |
రామం శ్యామం కామితకామప్రదమీశం
ధ్యాత్వా ధ్యాతా పాతకజాలైర్విగతః స్యాత్ || ౯ ||
ఇతి శ్రీమదధ్యాత్మరామాయణే యుద్ధకాండే త్రయోదశః సర్గే బ్రహ్మదేవ కృత శ్రీరామ స్తుతిః |
Lord Sri Rama Related Stotras
Narada Kruta Sri Rama Stuti Lyrics in Telugu | శ్రీ రామ స్తుతిః (నారద కృతం)
Sri Rama Anusmruti Stotram in Telugu | శ్రీ రామానుస్మృతి స్తోత్రం
Indra Kruta Sri Rama Stotram in Telugu | శ్రీ రామ స్తోత్రం (ఇంద్ర కృతం)
Tulasidasa Kruta Sri Rama Stuti in Telugu | శ్రీ రామ స్తుతిః (తులసీదాస కృతం)
Jatayu Kruta Sri Rama Stotram in Telugu | శ్రీ రామ స్తుతిః (జటాయు కృతం)
Sri Rama Stavaraja Stotram Lyrics in Telugu | శ్రీ రామ స్తవరాజ స్తోత్రం
Shambhu Krutha Sri Rama Stava Lyrics in Telugu | శ్రీ రామ స్తవః (శంభు కృతం)
Sri Rama Stavaraja Stotram Lyrics in Telugu | శ్రీ రామ స్తవరాజ స్తోత్రం
Sri Rama Maala Mantram Lyrics in Telugu | శ్రీ రామ మాలా మంత్రః
