Dvatrimsat Ganapathi Dhyana Slokah Lyrics in Telugu
2ద్వాత్రింశద్గణపతి ధ్యాన శ్లోకాః – 2
౧౭. శ్రీ ఏకాక్షర గణపతిః
రక్తో రక్తాంగరాగాంకుశకుసుమయుతస్తుందిలశ్చంద్రమౌళిః
నేత్రైర్యుక్తస్త్రిభిర్వామనకరచరణో బీజపూరం దధానః |
హస్తాగ్రాక్లుప్త పాశాంకుశరదవరదో నాగవక్త్రోఽహిభూషో
దేవః పద్మాసనస్థో భవతు సుఖకరో భూతయే విఘ్నరాజః || ౧౭ ||
౧౮. శ్రీ వర గణపతిః
సిందూరాభమిభాననం త్రినయనం హస్తే చ పాశాంకుశౌ
బిభ్రాణం మధుమత్కపాలమనిశం సాధ్విందుమౌళిం భజే |
పుష్ట్యాశ్లిష్టతనుం ధ్వజాగ్రకరయా పద్మోల్లసద్ధస్తయా
తద్యోన్యాహిత పాణిమాత్తవసుమత్పాత్రోల్లసత్పుష్కరమ్ || ౧౮ ||
౧౯. శ్రీ త్ర్యక్షర గణపతిః
గజేంద్రవదనం సాక్షాచ్చలత్కర్ణసుచామరం
హేమవర్ణం చతుర్బాహుం పాశాంకుశధరం వరమ్ |
స్వదంతం దక్షిణే హస్తే సవ్యే త్వామ్రపలం తథా
పుష్కరైర్మోదకం చైవ ధారయంతమనుస్మరేత్ || ౧౯ ||
౨౦. శ్రీ క్షిప్రప్రసాద గణపతిః
ధృతపాశాంకుశకల్పలతా స్వరదశ్చ బీజపూరయుతః
శశిశకలకలితమౌళిస్త్రిలోచనోఽరుణశ్చ గజవదనః |
భాసురభూషణదీప్తో బృహదుదరః పద్మవిష్టరోల్లసితః
విఘ్నపయోధరపవనః కరధృతకమలః సదాస్తు మే భూత్యై || ౨౦ ||
౨౧. శ్రీ హరిద్రా గణపతిః
హరిద్రాభం చతుర్బాహుం కరీంద్రవదనం ప్రభుమ్ |
పాశాంకుశధరం దేవం మోదకం దంతమేవ చ |
భక్తాభయప్రదాతారం వందే విఘ్నవినాశనమ్ || ౨౧ ||
౨౨. శ్రీ ఏకదంత గణపతిః
లంబోదరం శ్యామతనుం గణేశం
కుఠారమక్షస్రజమూర్ధ్వగాత్రమ్ |
సలడ్డుకం దంతమధః కరాభ్యాం
వామేతరాభ్యాం చ దధానమీడే || ౨౨ ||
౨౩. శ్రీ సృష్టి గణపతిః
పాశాంకుశస్వదంతామ్రఫలవానాఖువాహనః |
విఘ్నం నిహంతు నః శోణః సృష్టిదక్షో వినాయకః || ౨౩ ||
౨౪. శ్రీ ఉద్దండ గణపతిః
కల్హారాంబుజబీజపూరకగదాదంతేక్షుచాపం సుమం
బిభ్రాణో మణికుంభశాలికలశౌ పాశం సృణిం చాబ్జకమ్ |
గౌరాంగ్యా రుచిరారవిందకరయా దేవ్యా సమాలింగతః
శోణాంగః శుభమాతనోతు భజతాముద్దండవిఘ్నేశ్వరః || ౨౪ ||
౨౫. శ్రీ ఋణమోచక గణపతిః
పాశాంకుశౌ దంతజంబు దధానః స్ఫాటికప్రభః |
రక్తాంశుకో గణపతిర్ముదే స్యాదృణమోచకః || ౨౫ ||
౨౬. శ్రీ ఢుంఢి గణపతిః
అక్షమాలాం కుఠారం చ రత్నపాత్రం స్వదంతకమ్ |
ధత్తే కరైర్విఘ్నరాజో ఢుంఢినామా ముదేఽస్తు నః || ౨౬ ||
౨౭. శ్రీ ద్విముఖ గణపతిః
స్వదంతపాశాంకుశరత్నపాత్రం
కరైర్దధానో హరినీలగాత్రః |
రక్తాంశుకో రత్నకిరీటమాలీ
భూత్యై సదా మే ద్విముఖో గణేశః || ౨౭ ||
౨౮. శ్రీ త్రిముఖ గణపతిః
శ్రీమత్తీక్ష్ణశిఖాంకుశాక్షవరదాన్ దక్షే దధానః కరైః
పాశం చామృతపూర్ణకుంభమభయం వామే దధానో ముదా |
పీఠే స్వర్ణమయారవిందవిలసత్సత్కర్ణికాభాసురే
స్వాసీనస్త్రిముఖః పలాశరుచిరో నాగాననః పాతు నః || ౨౮ ||
౨౯. శ్రీ సింహ గణపతిః
వీణాం కల్పలతామరిం చ వరదం దక్షే విదత్తే కరై-
-ర్వామే తామరసం చ రత్నకలశం సన్మంజరీం చాభయమ్ |
శుండాదండలసన్మృగేంద్రవదనః శంఖేందుగౌరః శుభో
దీవ్యద్రత్ననిభాంశుకో గణపతిః పాయాదపాయత్ స నః || ౨౯ ||
౩౦. శ్రీ యోగ గణపతిః
యోగారూఢో యోగపట్టాభిరామో
బాలార్కాభశ్చేంద్రనీలాంశుకాఢ్యః |
పాశేక్ష్వక్షాన్ యోగదండం దధానో
పాయాన్నిత్యం యోగవిఘ్నేశ్వరో నః || ౩౦ ||
౩౧. శ్రీ దుర్గా గణపతిః
తప్తకాంచనసంకాశశ్చాష్టహస్తో మహత్తనుః
దీప్తాంకుశం శరం చాక్షం దంతు దక్షే వహన్ కరైః |
వామే పాశం కార్ముకం చ లతాం జంబు దధత్కరైః
రక్తాంశుకః సదా భూయాద్దుర్గాగణపతిర్ముదే || ౩౧ ||
౩౨. శ్రీ సంకష్టహర గణపతిః
బాలార్కారుణకాంతిర్వామే బాలాం వహన్నంకే
లసదిందీవరహస్తాం గౌరాంగీం రత్నశోభాఢ్యామ్ |
దక్షేఽంకుశవరదానం వామే పాశం చ పాయసం పాత్రం
నీలాంశుకలసమానః పీఠే పద్మారుణే తిష్ఠన్ || ౩౨ ||
సంకటహరణః పాయాత్ సంకటపూగాద్గజాననో నిత్యమ్ |
——
శ్రీ వల్లభ గణపతి –
బీజాపూర గదేక్షుకార్ముకభుజాచక్రాబ్జ పాశోత్పల
వ్రీహ్యగ్రస్వవిషాణ రత్నకలశ ప్రోద్యత్కరాంభోరుహః |
ధ్యేయో వల్లభయా చ పద్మకరయాశ్లిష్టో జ్వలద్భూషయా
విశ్వోత్పత్తివినాశసంస్థితికరో విఘ్నో విశిష్టార్థదః ||
శ్రీ సిద్ధిదేవీ –
పీతవర్ణాం ద్వినేత్రాం తామేకవక్త్రాంబుజద్వయాం
నవరత్నకిరీటాం చ పీతాంబరసుధారిణీమ్ |
వామహస్తే మహాపద్మం దక్షే లంబకరాన్వితాం
జాజీచంపకమాలాం చ త్రిభంగీం లలితాంగికామ్ ||
గణేశదక్షిణే భాగే గురుః సిద్ధిం తు భావయేత్ ||
శ్రీ బుద్ధిదేవీ –
ద్విహస్తాం చ ద్వినేత్రాం తామేకవక్త్రాం త్రిభంగికాం
ముక్తామణికిరీటాం చ దక్షే హస్తే మహోత్పలమ్ |
వామే ప్రలంబహస్తాం చ దివ్యాంబరసుధారిణీం
శ్యామవర్ణనిభాం భాస్వత్సర్వాభరణభూషితామ్ ||
పారిజాతోత్పలామాల్యాం గణేశో వామపార్శ్వకే
ధ్యాత్వా బుద్ధిం సురూపాం సమర్చయేద్దేశికోత్తమః ||
Lord Ganesha Stotras
Pushtipati Stotram (Devarshi Krutam) in Telugu | పుష్టిపతి స్తోత్రం (దేవర్షి కృతం)
Trailokya Mohana Ganapati Kavacham in Telugu | త్రైలోక్యమోహన గణపతి కవచం
Dhundiraja Bhujanga Prayata Stotram in Telugu | శ్రీ ఢుంఢిరాజ భుజంగ ప్రయాత స్తోత్రం
Sri Ganesha Aksharamalika Stotram in Telugu | శ్రీ గణేశాక్షరమాలికా స్తోత్రం
Sri Ganesha Avatara Stotram in Telugu | శ్రీ గణేశావతార స్తోత్రం
Sri Ganesha Hrudaya Kavacham in Telugu | శ్రీ గణేశ హృదయ కవచం
Sri Ganesha Vajra Panjara Stotram in Telugu | శ్రీ గణేశ వజ్రపంజర స్తోత్రం
Sri Ganesha Mantra Prabhava Stuti in Telugu | శ్రీ గణేశ మంత్రప్రభావ స్తుతిః
