Avadhuta Gita Lyrics In Telugu | అవధూత గీతా

అథ అష్టమోఽధ్యాయః ||

త్వద్యాత్రయా వ్యాపకతా హతా తే
ధ్యానేన చేతఃపరతా హతా తే |
స్తుత్యా మయా వాక్పరతా హతా తే
క్షమస్వ నిత్యం త్రివిధాపరాధాన్ || ౧ ||

కామైరహతధీర్దాంతో మృదుః శుచిరకించనః |
అనీహో మితభుక్ శాంతః స్థిరో మచ్ఛరణో మునిః || ౨ ||

అప్రమత్తో గభీరాత్మా ధృతిమాన్ జితషడ్గుణః |
అమానీ మానదః కల్పో మైత్రః కారుణికః కవిః || ౩ ||

కృపాలురకృతద్రోహస్తితిక్షుః సర్వదేహినామ్ |
సత్యసారోఽనవద్యాత్మా సమః సర్వోపకారకః || ౪ ||

అవధూతలక్షణం వర్ణైర్జ్ఞాతవ్యం భగవత్తమైః |
వేదవర్ణార్థతత్త్వజ్ఞైర్వేదవేదాంతవాదిభిః || ౫ ||

ఆశాపాశవినిర్ముక్త ఆదిమధ్యాంతనిర్మలః |
ఆనందే వర్తతే నిత్యమకారం తస్య లక్షణమ్ || ౬ ||

వాసనా వర్జితా యేన వక్తవ్యం చ నిరామయమ్ |
వర్తమానేషు వర్తేత వకారం తస్య లక్షణమ్ || ౭ ||

ధూలిధూసరగాత్రాణి ధూతచిత్తో నిరామయః |
ధారణాధ్యాననిర్ముక్తో ధూకారస్తస్య లక్షణమ్ || ౮ ||

తత్త్వచింతా ధృతా యేన చింతాచేష్టావివర్జితః |
తమోఽహంకారనిర్ముక్తస్తకారస్తస్య లక్షణమ్ || ౯ ||

దత్తాత్రేయావధూతేన నిర్మితానందరూపిణా |
యే పఠంతి చ శృణ్వంతి తేషాం నైవ పునర్భవః || ౧౦ ||

ఇతి అష్టమోఽధ్యాయః || ౮ ||

ఇతి అవధూతగీతా సమాప్తా ||

Sri Dattatreya Swamy Related Stotras

Sri Datta Atharvashirsham Lyrics In Telugu | శ్రీ దత్త అథర్వశీర్షం

శ్రీ దత్తాత్రేయ వజ్రకవచం – Sri Dattatreya Vajra Kavacham

Sri Dattatreya Stotram | శ్రీ దత్తాత్రేయ స్తోత్రం, Dattatreya Mantra

శ్రీ దత్త స్తవం – Sri Datta Stavam

Sri Guru Paduka Stotram | శ్రీ గురుపాదుకా స్తోత్రం

Datta Jayanti 2025 | దత్త జయంతి, మాహాసిద్ధుడైన దత్తాత్రేయుని చరిత్ర