Anamaya Stotram Lyrics in Telugu | అనామయ స్తోత్రమ్

భక్తిర్బాణా సురమపి భవత్పాదపద్మం స్పృశన్తం
స్థానం చన్ద్రాభరణ గమయామాస లోకస్య మూర్ధ్ని |
సహ్యస్యాపి భ్రుకుటినయనాదగ్నిదంష్ట్రాకరాలం
ద్రష్టుం కశ్చిద్వదనమశకద్దేవదైత్యేశ్వరేషు || ౧౮ ||

పాదన్యాసాన్నమతి వసుధా పన్నగస్కన్ధలగ్నా
బాహుక్షేపాద్గ్రహగణయుతం ఘూర్ణతే మేఘబృన్దమ్ |
ఉత్సాద్యన్తే క్షణమివ దిశో హుఙ్కృతేనాతిమాత్రం
భిన్నావస్థం భవతి భువనం త్వయ్యుపక్రాన్తనృత్తే || ౧౯ ||

నోర్ధ్వం గమ్యం సరసిజభువో నాప్యధశ్శార్ఙ్గపాణే-
రాసీదన్తస్తవ హుతవహస్తం భమూర్త్యా స్థితస్య |
భూయస్తాభ్యాముపరి లఘునా విస్మయేన స్తువద్భ్యాం
కణ్ఠే కాలం కపిలనయనం రూపమావిర్బభూవ || ౨౦ ||

శ్లాఘ్యాం దృష్టిం దుహితరి గిరేర్న్యస్య చాపోర్ధ్వకోట్యాం
కృత్వా బాహుం త్రిపురవిజయానన్తరం తే స్థితస్య |
మన్దారాణాం మధురసురభయో వృష్టయః పేతురార్ద్రా-
స్స్వర్గోద్యానభ్రమరవనితాదత్తదీర్ఘానుయాతాః || ౨౧ ||

ఉద్ధృత్యైకం నయనమరుణం స్నిగ్ధతారాపరాగం
పూర్ణేథాద్యః పరమసులభే దుష్కరాణాం సహస్రే |
చక్రం భేజే దహనజటిలం దక్షిణం తస్య హస్తం
బాలస్యేవ ద్యూతివలయితం మణ్డలం భాస్కరస్య || ౨౨ ||

విష్ణుశ్చక్రే కరతలగతే విష్టపానాం త్రయాణాం
దత్తాశ్వాసో దనుసుతశిరశ్ఛేదదీక్షాం బబన్ధ |
ప్రత్యాసన్నం తదపి నయనం పుణ్డరీకానుకారి
శ్లాఘ్యా భక్తిస్త్రినయన భవత్యర్పితా కిం న సూతే || ౨౩ ||

సవ్యే శూలం త్రిశిఖమపరే దోష్ణి భిక్షాకపాలం
సోమో ముగ్ధశ్శిరసి భుజగః కశ్చిదంసోత్తరీయః |
కోఽయం వేషస్త్రినయన కుతో దృష్ట ఇత్యద్రికన్యా
ప్రాయేణ త్వాం హసతి భగవన్ ప్రేమనిర్యన్త్రితాత్మా || ౨౪ ||

ఆర్ద్రం నాగాజినమవయవగ్రన్థిమద్బిభ్రదంసే
రూపం ప్రావృడ్ఘనరుచిమహాభైరవం దర్శయిత్వా |
పశ్యన్ గౌరీం భయచల కరాలంబిత స్కన్ధహస్తాం
మన్యే ప్రీత్యా దృఢ ఇతి భవాన్ వజ్రదేహేఽపి జాతః || ౨౫ ||

వ్యాలాకల్పా విషమనయనా విద్రుమాతామ్రభాసో
జాయామిశ్రా జటిలశిరసశ్చన్ద్రరేఖావతంసాః |
నిత్యానన్దా నియతలలితాస్స్నిగ్ధకల్మాషకణ్ఠాః
దేవా రుద్రా ధృతపరశవస్తే భవిష్యన్తి భక్తాః || ౨౬ ||

మన్త్రాభ్యాసో నియమవిధయస్తీర్థయాత్రానురోధో
గ్రామే భిక్షాచరణముటజే బీజవృత్తిర్వనే వా
ఇత్యాయాసే మహతి రమతామప్రగల్భః ఫలార్థే
స్మృత్వేవాహం తవచరణయోర్నిర్వృతిం సాధయామి || ౨౭ ||

ఆస్తాం తావత్స్నపనముపరిక్షీరధారాప్రవాహై-
స్స్నేహాభ్యఙ్గో భవనకరణం గన్ధధూపార్పణం వా |
యస్తే కశ్చిత్కిరతి కుసుమాన్యుద్దిశన్ పాదపీఠం
భూయో నైష భ్రమతి జననీగర్భకారాగృహేషు || ౨౮ ||

ముక్తాకారం మునిభిరనిశం చేతసి ధ్యాయమానం
ముక్తాగౌరం శిరసిజటిలే జాహ్నవీముద్వహన్తమ్ |
నానాకారం నవశశికలాశేఖరం నాగహారం
నారీమిశ్రం ధృతనరతిరోమాల్యమీశం నమామి || ౨౯ ||

తిర్యగ్యోనౌ త్రిదశనిలయే మానుషే రాక్షసే వా
యక్షావాసే విషధరపురే దేవ విద్యాధరే వా |
యస్మిన్ కస్మింత్సుకృతనిలయే జన్మని శ్రేయసే వా
భూయాద్యుష్మచ్చరణకమలధ్యాయినీ చిత్తవృత్తిః || ౩౦ ||

వన్దే రుద్రం వరదమమలం దణ్డినం ముణ్డధారిం
దివ్యజ్ఞానం త్రిపురదహనం శఙ్కరం శూలపాణిమ్ |
తేజోరాశిం త్రిభువనగురుం తీర్థమౌలిం త్రినేత్రం
కైలాసస్థం ధనపతిసఖం పార్వతీనాథమీశమ్ || ౩౧ ||

యోగీ భోగీ విషభుగమృతశ్శస్త్రపాణిః తపస్వీ
శాన్తః క్రూరః శమితవిషయః శైలకన్యాసహాయః |
భిక్షావృత్తిస్త్రిభువనపతిః శుద్ధిమానస్థిమాలీ
శక్యో జ్ఞాతుం కథమివ శివ త్వం విరుద్ధస్వభావః || ౩౨ ||

ఉపదిశతీ యదుచ్చైర్జ్యోతిరామ్నాయవిద్యాం
పరమ పరమదూరం దూరమాద్యన్తశూన్యామ్ |
త్రిపురజయినీ తస్మిన్ దేవదేవే నివిష్టాం
భగవతి పరివర్తోన్మాదినీ భక్తిరస్తు || ౩౩ ||

ఇతి విరచితమేతచ్చారుచన్ద్రార్ధమౌలే-
ర్లలితపదముదారం దణ్డినా పణ్డితేన |
స్తవనమవనకామేనాత్మనోఽనామయాఖ్యం
భవతి విగతరోగో జన్తురేతజ్జపేన || ౩౪ ||

స్తోత్రం సమ్యక్పరమవిదుషా దణ్డినా వాచ్యవృత్తా-
న్మన్దాక్రాన్తాన్ త్రిభువనగురోః పార్వతీవల్లభస్య |
కృత్వా స్తోత్రం యది సుభగమాప్నోతి నిత్యం హి పుణ్యం
తేన వ్యాధిం హర హర నృణాం స్తోత్రపాఠేన సత్యమ్ || ౩౫ ||

ఇతి దణ్డివిరచితం అనామయస్తోత్రమ్ |

Lord Shiva Related Stotras

Ashtamurti Ashtakam Lyrics in Telugu – అష్టమూర్త్యష్టకం

Attala Sundara Ashtakam Lyrics in Telugu | అట్టాలసుందరాష్టకమ్

Agastya Ashtakam Lyrics in Telugu | అగస్త్యాష్టకం | Lord Shiva Stotras

https://hariome.com/sri-sani-ashtottara-satanamavali/

Sri Siva Sahasranama Stotram Uttara Peetika | శ్రీ శివ సహస్రనామ స్తోత్రం ఉత్తర పీఠిక

Sri Siva Sahasranama Stotram Poorva Peetika | శ్రీ శివ సహస్రనామ స్తోత్రం పూర్వపీఠిక

Bilva Ashtottara Shatanama Stotram | బిల్వాష్టోత్తర శతనామ స్తోత్రం

శివాష్టకం – Sivashtakam

Shiva Panchakshara Stotram | శివ పంచాక్షర స్తోత్రం

Shiva Panchakshara Nakshatramala Stotram | శివ పంచాక్షర నక్షత్రమాలా స్తోత్రం

Sri Shiva Dwadasa Nama Stotram | శ్రీ శివ ద్వాదశనామ స్తోత్రం

శ్రీ శివ కవచం – Sri Siva Kavacham