Sri Rama Pancharatnam
kanjatapatrayatalocanaya karnavatamsojvalakundalaya |
karunyapatraya suvamsajaya namo:’stu ramaya salaksmanaya || 1 ||
vidyunnibhambhodasuvigrahaya vidyadharaih samstutasadgunaya |
viravataraya virodhihantre namo:’stu ramaya salaksmanaya || 2 ||
samsaktadivyayudhakaarmukaya samudragarvapaharayudhaya |
sugrivamitraya surarihantre namo:’stu ramaya salaksmanaya || 3 ||
pitambaralankrtamadhyakaya pitamahendramaravanditaya |
pitre svabhaktasya janasya matre namo:’stu ramaya salaksmanaya || 4 ||
namo namaste:’khilapujitaya namo namascandranibhananaya |
namo namaste raghuvamsajaya namo:’stu ramaya salaksmanaya || 5 ||
imani pancaratnani trisandhyam yah pathennarah |
sarvapapavinirmuktah sa yati paramam gatim || 6 ||
iti sriramakarnamrtantargatam sriramapancaratnam |
Related Posts
