Sambhal’s Hidden Gem:
46 ఏళ్ల తరువాత సంభాల్‌లో ప్రత్యక్షమైన శివాలయం
ఉత్తరప్రదేశ్‌లోని సంభాల్‌లో 46 సంవత్సరాలుగా మూతపడి ఉన్న 300 ఏళ్ల నాటి కార్తీక శంకర ఆలయం ఇటీవల తిరిగి తెరుచుకుంది. చరిత్ర, ఆధ్యాత్మికతతో నిండి ఉన్న ఈ ఆలయం 1978లో జరిగిన అల్లర్ల కారణంగా మూసివేయబడింది. ఇప్పుడు ఈ ఆలయం వెలుగులోకి రావడం అందరి దృష్టిని ఆకర్షిస్తోంది.
చరిత్రలో కనుమరుగైన ఆలయం
సంభాల్‌లోని ఖగ్గు సరాయ్ ప్రాంతంలో ఉన్న ఈ ఆలయం ఒకప్పుడు హిందూ సంఘానికి ఆధ్యాత్మిక కేంద్రంగా ఉండేది. 82 ఏళ్ల విష్ణు శరణ్ రస్తోగి వంటి పెద్దవారు ఈ ఆలయ పూర్వ వైభవాన్ని గుర్తుచేసుకుంటూ, 42 హిందూ కుటుంబాలు ఆ ప్రాంతంలో నివసించేవని చెబుతున్నారు. ఆలయంలో శివలింగం, హనుమాన్ విగ్రహం మరియు ఒక పురాతన బావి ఉన్నాయి.
ఈ ఆలయ ప్రాంగణం చుట్టూ రావి చెట్టు, బావి వంటి ప్రత్యేకతలు ఉండేవి. భక్తులు ఉదయం, సాయంత్రం ఆలయానికి వచ్చి దేవుడిని ప్రార్థించేవారు. అయితే, 1978 అల్లర్ల తర్వాత భయంతో హిందూ కుటుంబాలు ఈ ప్రాంతాన్ని విడిచి వెళ్ళిపోయాయి.
ఆక్రమణలు, ఆలయ మూసివేత
అల్లర్ల తరువాత ఆలయ ప్రదక్షిణ మార్గం, పైభాగం ఆక్రమణకు గురయ్యాయి. ఆలయ బాల్కనీలు తొలగించబడటం, బావిని మూసివేయడం, కారు పార్కింగ్ కోసం ర్యాంప్ నిర్మించడమన్నీ ఆలయ ఉనికిని ప్రభావితం చేశాయి.
విష్ణు శరణ్ రస్తోగి మాట్లాడుతూ, గుడి నిర్వహణ తమ కుటుంబానికి చెందిందని, కానీ భయంతో గుడిని తెరవలేదని వెల్లడించారు. అప్పట్లో పూజారిని నియమించినప్పటికీ, ఆయన గుడికి వెళ్లడం నిలిపివేశారన్నారు.
తిరిగి వెలుగులోకి వచ్చిన ఆలయం
సమీపంలో జరిగిన పరిపాలనా చర్యల కారణంగా ఈ ఆలయం మళ్లీ వెలుగులోకి వచ్చింది. ఆలయం శుభ్రపరిచిన తర్వాత, అక్కడ మరిన్ని విగ్రహాలు బయటపడ్డాయి.
300 సంవత్సరాల ప్రాచీన ఈ ఆలయం తిరిగి తెరుచుకోవడం స్థానికుల ఆశాజనకంగా మారింది. గతంలో ఉన్న హిందూ కుటుంబాలు ఆలయానికి పునర్జీవనం ఇవ్వాలని ఆకాంక్షిస్తున్నారు.
Related Posting
Midnight Abhishekam of Lord Shiva | ఈ గుడిలో శివునికి అర్థరాత్రి శ్మశాన భస్మంతో అభిషేకం చేస్తారట!
Bilvapatram | శివుడికి బిల్వపత్రం సమర్పించేటప్పుడు ఈ తప్పులు చేయకండి.
