Narayaneeyam Dasakam 11 Lyrics in Telugu PDF
నారాయణీయం ఏకాదశదశకం
ఏకాదశదశకమ్ (౧౧) సనకాదీనాం వైకుణ్ఠదర్శనమ్ | హిరణ్యాక్షస్య తథా హిరణ్యకశిపోః జననమ్ |
క్రమేణ సర్గే పరివర్ధమానే
కదాపి దివ్యాః సనకాదయస్తే |
భవద్విలోకాయ వికుణ్ఠలోకం
ప్రపేదిరే మారుతమన్దిరేశ || ౧౧-౧ ||
మనోజ్ఞనైశ్రేయసకాననాద్యై-
రనేకవాపీమణిమన్దిరైశ్చ |
అనోపమం తం భవతో నికేతం
మునీశ్వరాః ప్రాపురతీతకక్ష్యాః || ౧౧-౨ ||
భవద్దిదృక్షూన్భవనం వివిక్షూన్
ద్వాఃస్థౌ జయస్తాన్ విజయోఽప్యరున్ధామ్ |
తేషాం చ చిత్తే పదమాప కోపః
సర్వం భవత్ప్రేరణయైవ భూమన్ || ౧౧-౩ ||
వైకుణ్ఠలోకానుచితప్రచేష్టౌ
కష్టౌ యువాం దైత్యగతిం భజేతమ్ |
ఇతి ప్రశప్తౌ భవదాశ్రయౌ తౌ
హరిస్మృతిర్నోఽస్త్వితి నేమతుస్తాన్ || ౧౧-౪ ||
తదేతదాజ్ఞాయ భవానవాప్తః
సహైవ లక్ష్మ్యా బహిరంబుజాక్ష |
ఖగేశ్వరాంసార్పితచారుబాహు-
రానన్దయంస్తానభిరామమూర్త్యా || ౧౧-౫ ||
ప్రసాద్య గీర్భిః స్తువతో మునీన్ద్రా-
ననన్యనాథావథ పార్షదౌ తౌ |
సంరంభయోగేన భవైస్త్రిభిర్మా-
ముపేతమిత్యాత్తకృపం న్యగాదీః || ౧౧-౬ ||
త్వదీయభృత్యావథ కశ్యపాత్తౌ
సురారివీరావుదితౌ దితౌ ద్వౌ |
సన్ధ్యాసముత్పాదనకష్టచేష్టౌ
యమౌ చ లోకస్య యమావివాన్యౌ || ౧౧-౭ ||
హిరణ్యపూర్వః కశిపుః కిలైకః
పరో హిరణ్యాక్ష ఇతి ప్రతీతః |
ఉభౌ భవన్నాథమశేషలోకం
రుషా న్యరున్ధాం నిజవాసనాన్ధౌ || ౧౧-౮ ||
తయోర్హిరణ్యాక్షమహాసురేన్ద్రో
రణాయ ధావన్ననవాప్తవైరీ |
భవత్ప్రియాం క్ష్మాం సలిలే నిమజ్య
చచార గర్వాద్వినదన్ గదావాన్ || ౧౧-౯ ||
తతో జలేశాత్సదృశం భవన్తం
నిశమ్య బభ్రామ గవేషయంస్త్వామ్ |
భక్తైకదృశ్యః స కృపానిధే త్వం
నిరున్ధి రోగాన్ మరుదాలయేశ || ౧౧-౧౦ ||
ఇతి ఏకాదశదశకం సమాప్తమ్ |
Sri Narayaneeyam Dasakam Related Stotras
Narayaneeyam Dasakam 12 Lyrics in Telugu | నారాయణీయం ద్వాదశదశకం
Narayaneeyam Dasakam 10 Lyrics in Telugu | నారాయణీయం దశమదశకం
Narayaneeyam Dasakam 8 Lyrics in Telugu | నారాయణీయం అష్టమదశకం
Narayaneeyam Dasakam 7 Lyrics in Telugu | నారాయణీయం సప్తమదశకం
Narayaneeyam Dasakam 6 Lyrics in Telugu | నారాయణీయం షష్ఠదశకం
Narayaneeyam Dasakam 5 Lyrics in Telugu | నారాయణీయం పంచమదశకం
Narayaneeyam Dasakam 4 Lyrics in Telugu | నారాయణీయం చతుర్థదశకం
Narayaneeyam Dasakam 3 Lyrics in Telugu | నారాయణీయం తృతీయదశకం
Narayaneeyam Dasakam 2 Lyrics in Telugu | నారాయణీయం ద్వితీయదశకం
Narayaneeyam Dasakam 1 Lyrics in Telugu | నారాయణీయం ప్రథమదశకం
