Sri Radha Krishna Ashtakam Lyrics in Telugu PDF
శ్రీ రాధాకృష్ణాష్టకం
యః శ్రీగోవర్ధనాద్రిం సకలసురపతీంస్తత్రగోగోపబృందం
స్వీయం సంరక్షితుం చేత్యమరసుఖకరం మోహయన్ సందధార |
తన్మానం ఖండయిత్వా విజితరిపుకులో నీలధారాధరాభః
కృష్ణో రాధాసమేతో విలసతు హృదయే సోఽస్మదీయే సదైవ || ౧ ||
యం దృష్ట్వా కంసభూపః స్వకృతకృతిమహో సంస్మరన్మంత్రివర్యాన్
కిం వా పూర్వం మయేదం కృతమితి వచనం దుఃఖితః ప్రత్యువాచ |
ఆజ్ఞప్తో నారదేన స్మితయుతవదనః పూరయన్సర్వకామాన్
కృష్ణో రాధాసమేతో విలసతు హృదయే సోఽస్మదీయే సదైవ || ౨ ||
యేన ప్రోద్యత్ప్రతాపా నృపతికులభవాః పాండవాః కౌరవాబ్ధిం
తీర్త్వా పారం తదీయం జగదఖిలనృణాం దుస్తరంచేతి జగ్ముః |
తత్పత్నీచీరవృద్ధిప్రవిదితమహిమా భూతలే భూపతీశః
కృష్ణో రాధాసమేతో విలసతు హృదయే సోఽస్మదీయే సదైవ || ౩ ||
యస్మై చోద్ధృత్య పాత్రాద్దధియుతనవనీతం కరైర్గోపికాభి-
ర్దత్తం తద్భావపూర్తౌ వినిహితహృదయస్సత్యమేవం తిరోధాత్ |
ముక్తాగుంజావళీభిః ప్రచురతమరుచిః కుండలాక్రాంతగండః
కృష్ణో రాధాసమేతో విలసతు హృదయే సోఽస్మదీయే సదైవ || ౪ ||
యస్మాద్విశ్వాభిరామాదిహ జననవిధౌ సర్వనందాదిగోపాః
సంసారార్తేర్విముక్తాః సకలసుఖకరాః సంపదః ప్రాపురేవ |
ఇత్థం పూర్ణేందువక్త్రః కలకమలదృశః స్వీయజన్మ స్తువంతః
కృష్ణో రాధాసమేతో విలసతు హృదయే సోఽస్మదీయే సదైవ || ౫ ||
యస్య శ్రీనందసూనోః వ్రజయువతిజనాశ్చాగతా భర్తృపుత్రాం-
స్త్యక్త్వా శ్రుత్వా సమీపే విచకితనయనాః సప్రమోదాః స్వగేహే |
రంతుం రాసాదిలీలా మనసిజదలితా వేణునాదం చ రమ్యం
కృష్ణో రాధాసమేతో విలసతు హృదయే సోఽస్మదీయే సదైవ || ౬ ||
యస్మిన్ దృష్టే సమస్తే జగతి యువతయః ప్రాణనాథవ్రతాయా-
స్తా అప్యేవం హి నూనం కిమపి చ హృదయే కామభావం దధత్యః |
తత్స్నేహాబ్ధిం వపుశ్చేదవిదితధరణౌ సూర్యబింబస్వరూపాః
కృష్ణో రాధాసమేతో విలసతు హృదయే సోఽస్మదీయే సదైవ || ౭ ||
యః స్వీయే గోకులేఽస్మిన్విదితనిజకులోద్భూతబాలైః సమేతో
మాతర్యేవం చకార ప్రసృతతమగుణాన్బాలలీలావిలాసాన్ |
హత్వా వత్సప్రలంబద్వివిదబకఖరాన్గోపబృందం జుగోప
కృష్ణో రాధాసమేతో విలసతు హృదయే సోఽస్మదీయే సదైవ || ౮ ||
కృష్ణారాధాష్టకం ప్రాతరుత్థాయ ప్రపఠేన్నరః |
య ఏవం సర్వదా నూనం స ప్రాప్నోతి పరాం గతిమ్ || ౯ ||
ఇతి శ్రీరఘునాథచార్య విరచితం శ్రీరాధాకృష్ణాష్టకమ్ |
Lord Krishna Related Stotras
Sri Krishna Lahari Stotram Lyrics in Telugu | శ్రీ కృష్ణలహరీ స్తోత్రం
Jaya Janardhana Krishna Radhika Pathe in Telugu | జయ జనార్దనా కృష్ణా రాధికాపతే
Gopi Gitam (Gopika Gitam) Lyrics in Telugu | గోపీ గీతం (గోపికా గీతం)
Sri Govinda Damodara Stotram Lyrics in Telugu | శ్రీ గోవింద దామోదర స్తోత్రం
Sri Gopijana Vallabha Ashtakam 2 Lyrics in Telugu | శ్రీహరిదాసోదిత శ్రీ గోపీజనవల్లభాష్టకం – 2
Sri Gopijana Vallabha Ashtakam Lyrics in Telugu | శ్రీ గోపీజనవల్లభాష్టకం
Sri Govardhana Ashtakam Lyrics in Telugu | శ్రీ గోవర్ధనాష్టకం
Gopi Krutam Bala Raksha Stotram Lyrics in Telugu | బాలరక్షా స్తోత్రం (గోపీ కృతం)
Sri Parankusa Ashtakam Lyrics in Telugu | శ్రీ పరాంకుశాష్టకమ్
