Sri Nageshwara Stuti Lyrics in Telugu
శ్రీ నాగేశ్వర స్తుతిః
యో దేవః సర్వభూతానామాత్మా హ్యారాధ్య ఏవ చ |
గుణాతీతో గుణాత్మా చ స మే నాగః ప్రసీదతు || ౧ ||
హృదయస్థోఽపి దూరస్థః మాయావీ సర్వదేహినామ్ |
యోగినాం చిత్తగమ్యస్తు స మే నాగః ప్రసీదతు || ౨ ||
సహస్రశీర్షః సర్వాత్మా సర్వాధారః పరః శివః |
మహావిషస్యజనకః స మే నాగః ప్రసీదతు || ౩ ||
కాద్రవేయోమహాసత్త్వః కాలకూటముఖాంబుజః |
సర్వాభీష్టప్రదో దేవః స మే నాగః ప్రసీదతు || ౪ ||
పాతాళనిలయో దేవః పద్మనాభసుఖప్రదః |
సర్వాభీష్టప్రదో యస్తు స మే నాగః ప్రసీదతు || ౫ ||
నాగనారీరతో దక్షో నారదాది సుపూజితః |
సర్వారిష్టహరో యస్తు స మే నాగః ప్రసీదతు || ౬ ||
పృదాకుదేవః సర్వాత్మా సర్వశాస్త్రార్థపారగః |
ప్రారబ్ధపాపహంతా చ స మే నాగః ప్రసీదతు || ౭ ||
లక్ష్మీపతేః సపర్యంకః శంభోః సర్వాంగభూషణః |
యో దేవః పుత్రదో నిత్యం స మే నాగః ప్రసీదతు || ౮ ||
ఫణీశః పరమోదారః శాపపాపనివారకః |
సర్వపాపహరో యస్తు స మే నాగః ప్రసీదతు || ౯ ||
సర్వమంగళదో నిత్యం సుఖదో భుజగేశ్వరః |
యశః కీర్తిం చ విపులాం శ్రియమాయుః ప్రయచ్ఛతు || ౧౦ ||
మనోవాక్కాయజనితం జన్మజన్మాంతరార్జితమ్ |
యత్పాపం నాగదేవేశ విలయం యాతు సంప్రతి || ౧౧ ||
నీరోగం దేహపుష్టిం చ సర్వవశ్యం ధనాగమమ్ |
పశుధాన్యాభివృద్ధిం చ యశోవృద్ధిం చ శాశ్వతమ్ || ౧౨ ||
పరవాక్ స్తంభినీం విద్యాం వాగ్మిత్వం సూక్ష్మబుద్ధితామ్ |
పుత్రం వంశకరం శ్రేష్ఠం దేహి మే భక్తవత్సల || ౧౩ ||
ఇతి శ్రీ నాగేశ్వర స్తుతిః ||
Sri Naga Devata Related Stotras
Naga Panchami Puja Vidhanam (Poorvangam) in Telugu | నాగ పంచమీ పూజా విధానం (పూర్వాంగం)
Sri Manasa Devi Stotram (Dhanvantari Krutam) in Telugu | శ్రీ మానసా దేవి స్తోత్రం (ధన్వంతరి కృతం)
Sri Manasa Devi Mula Mantram in Telugu | శ్రీ మనసా దేవీ మూలమంత్రం
Sri Naga Stotram (Nava Naga) in Telugu | శ్రీ నాగ స్తోత్రం (నవనాగ స్తోత్రం)
Sri Naga Devata Ashtottara Shatanamavali in Telugu | శ్రీ నాగదేవతా అష్టోత్తరశతనామావళీ
