Sri Dharma Sastha Stuti Dasakam Lyrics in Telugu
శ్రీ ధర్మశాస్తా స్తుతి దశకం
ఆశానురూపఫలదం చరణారవింద-
-భాజామపార కరుణార్ణవ పూర్ణచంద్రమ్ |
నాశాయ సర్వవిపదామపి నౌమి నిత్య-
-మీశానకేశవభవం భువనైకనాథమ్ || ౧ ||
పింఛావలీ వలయితాకలితప్రసూన-
-సంజాతకాంతిభరభాసురకేశభారమ్ |
శింజానమంజుమణిభూషణరంజితాంగం
చంద్రావతంసహరినందనమాశ్రయామి || ౨ ||
ఆలోలనీలలలితాలకహారరమ్య-
-మాకమ్రనాసమరుణాధరమాయతాక్షమ్ |
ఆలంబనం త్రిజగతాం ప్రమథాధినాథ-
-మానమ్రలోక హరినందనమాశ్రయామి || ౩ ||
కర్ణావలంబి మణికుండలభాసమాన-
-గండస్థలం సముదితాననపుండరీకమ్ |
అర్ణోజనాభహరయోరివ మూర్తిమంతం
పుణ్యాతిరేకమివ భూతపతిం నమామి || ౪ ||
ఉద్దండచారుభుజదండయుగాగ్రసంస్థం
కోదండబాణమహితాంతమదాంతవీర్యమ్ |
ఉద్యత్ప్రభాపటలదీప్రమదభ్రసారం
నిత్యం ప్రభాపతిమహం ప్రణతో భవామి || ౫ ||
మాలేయపంకసమలంకృతభాసమాన-
-దోరంతరాళతరళామలహారజాలమ్ |
నీలాతినిర్మలదుకూలధరం ముకుంద-
-కాలాంతకప్రతినిధిం ప్రణతోఽస్మి నిత్యమ్ || ౬ ||
యత్పాదపంకజయుగం మునయోఽప్యజస్రం
భక్త్యా భజంతి భవరోగనివారణాయ |
పుత్రం పురాంతకమురాంతకయోరుదారం
నిత్యం నమామ్యహమమిత్రకులాంతకం తమ్ || ౭ ||
కాంతం కలాయకుసుమద్యుతిలోభనీయ-
-కాంతిప్రవాహవిలసత్కమనీయరూపమ్ |
కాంతాతనూజసహితం నిఖిలామయౌఘ-
-శాంతిప్రదం ప్రమథనాథమహం నమామి || ౮ ||
భూతేశ భూరికరుణామృతపూరపూర్ణ-
-వారాన్నిధే వరద భక్తజనైకబంధో |
పాయాద్భవాన్ ప్రణతమేనమపారఘోర-
-సంసారభీతమిహ మామఖిలామయేభ్యః || ౯ ||
హే భూతనాథ భగవన్ భవదీయచారు-
-పాదాంబుజే భవతు భక్తిరచంచలా మే |
నాథాయ సర్వజగతాం భజతాం భవాబ్ధి-
-పోతాయ నిత్యమఖిలాంగభువే నమస్తే || ౧౦ ||
ఇతి శ్రీ ధర్మశాస్తా స్తుతి దశకమ్ ||
Lord Ayyappa Related Stotras
Sri Dharma Sastha Bhujanga Stotram in Telugu | శ్రీ ధర్మశాస్తా భుజంగ స్తోత్రం
Sri Bhuthanatha Karavalamba Stava in Telugu | శ్రీ భూతనాథ కరావలంబ స్తవః
Sri Kiratha (Ayyappa) Ashtakam Lyrics in Telugu | శ్రీ కిరాతాష్టకం
Sri Ayyappa Stotram Lyrics in Telugu | శ్రీ అయ్యప్ప స్తోత్రం
శ్రీ అయ్యప్ప అష్టోత్తరశతనామావళిః – Sri Ayyappa Ashtottara Shatanamavali
Sri Ayyappa Ashtottara Satanama Stotram | శ్రీ అయ్యప్ప అష్టోత్తర శతనామ స్తోత్రం
హరివరాసనం (హరిహరాత్మజాష్టకం) -Harivarasanam (Hariharaatmajaashtakam)
శ్రీ అయ్యప్ప షోడశోపచార పూజ – Sri Ayyappa Shodasa Upchara Puja Vidhanam
