Shani Krutha Sri Narasimha Stuti Lyrics in Telugu
శ్రీ నృసింహ స్తుతి (శనైశ్చర కృతం)
శ్రీ కృష్ణ ఉవాచ |
సులభో భక్తియుక్తానాం దుర్దర్శో దుష్టచేతసామ్ |
అనన్యగతికానాం చ ప్రభుర్భక్తైకవత్సలః || ౧
శనైశ్చరస్తత్ర నృసింహదేవ
స్తుతిం చకారామల చిత్తవృతిః |
ప్రణమ్య సాష్టాంగమశేషలోక
కిరీట నీరాజిత పాదపద్మమ్ || ౨ ||
శ్రీ శనిరువాచ |
యత్పాదపంకజరజః పరమాదరేణ
సంసేవితం సకలకల్మషరాశినాశమ్ |
కల్యాణకారకమశేషనిజానుగానాం
స త్వం నృసింహ మయి దేహి కృపావలోకమ్ || ౩ ||
సర్వత్ర చంచలతయా స్థితయా హి లక్ష్మ్యా
బ్రహ్మాదివంద్యపదయా స్థిరయాన్యసేవీ |
పాదారవిందయుగళం పరమాదరేణ
స త్వం నృసింహ మయి దేహి కృపావలోకమ్ || ౪ ||
యద్రూపమాగమశిరః ప్రతిపాద్యమాద్యం
ఆధ్యాత్మికాది పరితాపహరం విచింత్యమ్ |
యోగీశ్వరైరపగతాఽఖిలదోషసంఘైః
స త్వం నృసింహ మయి దేహి కృపావలోకమ్ || ౫ ||
ప్రహ్లాదభక్తవచసా హరిరావిరాసీత్
స్తంభే హిరణ్యకశిపుం య ఉదారభావః |
ఊర్వో నిధాయ ఉదరం నఖరైర్దదార
స త్వం నృసింహ మయి దేహి కృపావలోకమ్ || ౬ ||
యో నైజభక్తమనలాంబుధి భూధరోగ్ర-
-శృంగప్రపాత విషదంతసరీసృపేభ్యః |
సర్వాత్మకః పరమకారుణికో రరక్ష
స త్వం నృసింహ మయి దేహి కృపావలోకమ్ || ౭ ||
యన్నిర్వికార పరరూప విచింతనేన
యోగీశ్వరా విషయవీత సమస్తరాగాః |
విశ్రాంతిమాపుర వినాశవతీం పరాఖ్యాం
స త్వం నృసింహ మయి దేహి కృపావలోకమ్ || ౮ ||
యద్రూపముగ్రమరిమర్దన భావశాలీ
సంచింతనేన సకలాభవభీతిహారీ | [అఘవినాశకారి]
భూత జ్వర గ్రహ సముద్భవ భీతినాశం
స త్వం నృసింహ మయి దేహి కృపావలోకమ్ || ౯ ||
యస్యోత్తమం యశ ఉమాపతిమగ్రజన్మ
శక్రాది దైవత సభాసు సమస్తగీతమ్ |
శ్రుత్వైక సర్వశమలప్రశమేకదక్షం [శక్త్యైవ]
స త్వం నృసింహ మయి దేహి కృపావలోకమ్ || ౧౦ ||
శ్రీకృష్ణ ఉవాచ |
ఇత్థం శ్రుత్వా స్తుతిం దేవః శనినా కల్పితాం హరిః |
ఉవాచ బ్రహ్మ వృందస్థం శనిం తం భక్తవత్సలః || ౧౧ ||
శ్రీనృసింహ ఉవాచ |
ప్రసన్నోఽహం శనే తుభ్యం వరం వరయ శోభనమ్ |
యం వాంఛసి తమేవ త్వం సర్వలోక హితావహమ్ || ౧౨ ||
శ్రీ శనిరువాచ |
నృసింహ త్వం మయి కృపాం కురు దేవ దయానిధే |
మద్వాసరస్తవ ప్రీతికరః స్యాద్దేవతాపతే || ౧౩ ||
మత్కృతం త్వత్పరం స్తోత్రం శృణ్వన్తి చ పఠన్తి చ |
సర్వాన్ కామన్ పూరయేథాః తేషాం త్వం లోకభావన || ౧౪ ||
శ్రీ నృసింహ ఉవాచ |
తథైవాస్తు శనేఽహం వై రక్షో భువనసంస్థితః |
భక్త కామాన్ పూరయిష్యే త్వం మమైకం వచః శృణు || ౧౫ ||
త్వత్కృతం మత్పరం స్తోత్రం యః పఠేచ్ఛృణుయాచ్చ యః |
ద్వాదశాష్టమ జన్మస్థాత్ త్వద్భయం మాస్తు తస్య వై || ౧౬ ||
శనిర్నరహరిం దేవం తథేతి ప్రత్యువాచ హ |
తతః పరమసంతుష్టో జయేతి మునయోవదన్ || ౧౭ ||
శ్రీ కృష్ణ ఉవాచ |
ఇదం శనైశ్చరస్యాథ నృసింహ దేవ
సంవాదమేతత్ స్తవనం చ మానవః |
శృణోతి యః శ్రావయతే చ భక్త్యా
సర్వాణ్యభీష్టాని చ విన్దతే ధ్రువమ్ || ౧౮ ||
ఇతి శ్రీ భవిష్యోత్తరపురాణే శ్రీ శనైశ్చర కృత శ్రీ నృసింహ స్తుతిః |
Lord Lakshmi Narasimha Swamy Related Stotras
Sri Narasimha Stuti (Shukracharya Krutam) Lyrics in Telugu | శ్రీ నృసింహ స్తుతిః (శుక్రాచార్య కృతం)
Prahlada Krutha Narasimha Stuti Lyrics| శ్రీ నృసింహ స్తుతిః (ప్రహ్లాద కృతం)
Sri Narasimha Stuti (Narayana Pandita Krutam) | శ్రీ నృసింహ స్తుతిః (నారాయణపండిత కృతం)
Prahlada Krutha Narasimha Stuti Lyrics| శ్రీ నృసింహ స్తుతిః (ప్రహ్లాద కృతం)
Sri Narasimha Stambha Avirbhava Stotram | శ్రీ నృసింహ స్తంభావిర్భావ స్తోత్రం
Sri Narasimha Mrityunjaya Stotram Lyrics in Telugu | శ్రీ నృసింహ మృత్యుంజయ స్తోత్రం
Sri Narasimha Bhujanga Prayata Stava in Telugu | శ్రీ నృసింహ భుజంగ ప్రయాత స్తవః
Sri Narasimha Panchamruta Stotram (Sri Rama Krutam) | శ్రీ నృసింహ పంచామృత స్తోత్రం (శ్రీరామ కృతం)
Sri Narasimha Dwadasa Nama Stotram in Telugu | శ్రీ నృసింహ ద్వాదశనామ స్తోత్రం
Sri Narasimha Dvatrimshat Beejamala Stotram in Telugu | శ్రీ నృసింహ ద్వాత్రింశద్బీజమాలా స్తోత్రం
Sri Narasimha Gadyam Lyrics in Telugu | శ్రీ నృసింహ గద్య స్తుతిః
