Sri Narasimha Stambha Avirbhava Stotram Lyrics in Telugu
శ్రీ నృసింహ స్తంభావిర్భావ స్తోత్రం
సహస్రభాస్కరస్ఫురత్ప్రభాక్షదుర్నిరీక్షణం
ప్రభగ్నకౄరకృద్ధిరణ్యకశ్యపోరురస్థలమ్ |
అజసృజాండకర్పరప్రభిన్నరౌద్రగర్జనం
ఉదగ్రనిగ్రహాగ్రహోగ్రవిగ్రహాకృతిం భజే || ౧ ||
స్వయంభుశంభుజంభజిత్ప్రముఖ్యదివ్యసంభ్రమ-
-ద్విజృంభమధ్యదుత్కటోగ్రదైత్యకుంభకుంభినిన్ |
అనర్గళాట్టహాసనిస్పృహాష్టదిగ్గజార్భటిన్
యుగాంతిమాంతకకృతాంతధిక్కృతాంతకం భజే || ౨ ||
జగజ్జ్వలద్దహద్గ్రసత్భ్రహత్స్ఫురన్ముఖార్భటిం
మహద్భయద్భవద్ధగద్ధగల్లసత్కృతాకృతిమ్ |
హిరణ్యకశ్యపోసహస్రసంహరత్సమర్థకృ-
-న్ముహుర్ముహుర్గళద్దళద్ధ్వనన్నృసింహ రక్ష మామ్ || ౩ ||
దరిద్రదేవిదుష్టదృష్టిదుఃఖదుర్భరం హరం
నవగ్రహోగ్రవక్రదోషణాది వ్యాధినిగ్రహమ్ |
పరౌషధాది మంత్ర యంత్ర తంత్ర కృత్రిమం హనం
అకాలమృత్యుమృత్యు మృత్యుముగ్రమూర్తిణం భజే || ౪ ||
జయత్వవక్రవిక్రమక్రమక్రమక్రియాహరత్
స్ఫురత్సహస్రవిస్ఫులింగభాస్కరప్రభాగ్రసత్ |
ధగద్ధగద్ధగల్లసన్మహద్భ్రమత్సుదర్శనో-
-న్మదేభభిత్స్వరూపభృద్ధవత్కృపారసామృతమ్ || ౫ ||
విపక్షపక్షరాక్షసాక్షమాక్షరూక్షవీక్షణం
సదాక్షయత్కృపాకటాక్షలక్ష్మిలక్ష్మవక్షసమ్ |
విచక్షణం విలక్షణం సుతీక్షణం ప్రతీక్షణం
పరీక్షదీక్ష రక్షశిక్ష సాక్షిణం క్షమం భజే || ౬ ||
అపూర్వ శౌర్య ధైర్య వీర్య దుర్నివార్య దుర్గమం
అకార్యకృద్ధనర్వ గర్వపర్వతప్రహర్యసత్ |
ప్రచార్యసర్వనిర్వహత్సుపర్యవర్యపర్విణం
సదార్యకార్యభార్యభృద్దుదారవర్యణం భజే || ౭ ||
ప్రపత్తి ప్రార్థనార్చనాభివందన ప్రదక్షిణా
నతాననాంగ వాఙ్మనః స్మరజ్జపస్తువద్గదా |
అశ్రుపూరణార్ద్రపూర్ణభక్తిపారవశ్యతా
సకృత్క్రియాచరద్భవత్కృపా నృసింహ రక్ష మామ్ || ౮ ||
కరాళవక్త్ర కర్కశోగ్ర వజ్రదంష్ట్రముజ్జ్వలం
కుఠారఖడ్గకుంతతోమరాంకుశౌన్నఖాయుధమ్ |
మహాభ్రయూధభగ్నసంచలజ్జటా సటాలకం
జగత్ప్రమూర్ఛితాట్టహాసచక్రవర్తిణం భజే || ౯ ||
నవగ్రహాఽపమృత్యుగండ వాస్తురోగ వృశ్చిక
అగ్ని బాడబాగ్ని కాననాగ్ని శతృమండల |
ప్రవాహ క్షుత్పిపాస దుఃఖ తస్కర ప్రయోగ దు-
-ష్ప్రమాదసంకటాత్ సదా నృసింహ రక్ష మాం ప్రభో || ౧౦ ||
ఇదం నృసింహ స్తంభసంభవావతార సంస్తవం
వరాఽకళంకవంశ్య వేంకటాభిధాన వైష్ణవో |
సమర్పితోఽస్మి సర్వదా నృసింహదాస్యతేచ్ఛయా
రమాంక యాదశైలనారసింహ తేంఘ్రి సన్నిధౌ || ౧౧ ||
ఇతి శ్రీ అకళంకం తిరుమలవేంకటరమణాచార్య కృత శ్రీ నృసింహ స్తంభావిర్భావ స్తోత్రమ్ |
Lord Lakshmi Narasimha Swamy Related Stotras
Sri Narasimha Stuti (Narayana Pandita Krutam) | శ్రీ నృసింహ స్తుతిః (నారాయణపండిత కృతం)
Sri Narasimha Mrityunjaya Stotram Lyrics in Telugu | శ్రీ నృసింహ మృత్యుంజయ స్తోత్రం
Sri Narasimha Bhujanga Prayata Stava in Telugu | శ్రీ నృసింహ భుజంగ ప్రయాత స్తవః
Sri Narasimha Panchamruta Stotram (Sri Rama Krutam) | శ్రీ నృసింహ పంచామృత స్తోత్రం (శ్రీరామ కృతం)
Sri Narasimha Dwadasa Nama Stotram in Telugu | శ్రీ నృసింహ ద్వాదశనామ స్తోత్రం
Sri Narasimha Dvatrimshat Beejamala Stotram in Telugu | శ్రీ నృసింహ ద్వాత్రింశద్బీజమాలా స్తోత్రం
Sri Narasimha Gadyam Lyrics in Telugu | శ్రీ నృసింహ గద్య స్తుతిః
Sri Narasimha Kavacham (Prahlada Krutam) | శ్రీ నృసింహ కవచం (ప్రహ్లాద కృతం)
Trailokya Vijaya Narasimha Kavacham in Telugu | శ్రీ నృసింహ కవచం (త్రైలోక్యవిజయం)
Sri Nava Narasimha Mangala Shlokah Lyrics in Telugu | శ్రీ నవనారసింహ మంగళశ్లోకాః
