Sri Siva Kavacham
Rishabha uvacha |
namaskritya mahadevam vishvavyapinamishvaram |
vakshye shivamayam varma sarvarakshakaram nrinam || 1 ||
shuchau deshe samasino yathavatkalpitasanah |
jitendriyo jitapranashchintayecchivamavyayam || 2 ||
hritpundarikantarasannivishtam
svatejasa vyaptanabhovakasham |
atindriyam sukshmamanantamadyam
dhyayetparanandamayam mahesham || 3 ||
dhyanavadhutakhilakarmabandha-
-shchiram chidanandanimagnachetah |
shadaksharanyasasamahitatma
shaivena kuryatkavachena raksham || 4 ||
mam patu devo’khiladevatatma
samsarakupe patitam gabhire |
tannama divyam varamantramulam
dhunotu me sarvam agham hridistham || 5 ||
sarvatra mam rakshatu vishvamurti-
-rjyotirmayanandaghanashchidatma |
anoraniyanurushaktirekah
sa ishvarah patu bhayadasheshat || 6 ||
yo bhusvarupena bibharti vishvam
payatsa bhumergirisho’sthamurtih |
yo’pam svarupena nrinam karoti
sanjivanam so’vatu mam jalebhyah || 7 ||
kalpavasane bhuvanani dagdhva
sarvani yo nrityati bhurililah |
sa kalarudro’vatu mam davagne-
-rvatyadibhiterakhilachcha tapat || 8 ||
pradiptavidyutkanakavabhaso
vidyavarabhitikutharapaniḥ |
chaturmukhastatpurushastrinetrah
pracyam sthitam rakshatu mam ajasram || 9 ||
kuthara khetankushapashashula
kapaladhakkakshagunandadhanaḥ |
chaturmukho nilaruchistrinetrah
payadaghoro dishi dakshinasyaam || 10 ||
kundendushankhasphatikavabhaso
vedakshamalavaradabhayankah |
tryakshashchaturvaktra uruprabhavah
sadyodhijato’vatu mam pratichyam || 11 ||
varakshamalabhayatankahastah
sarojakinjalkasamanavarnah |
trilochanascharuchaturmukho mam
payadudichyam dishi vamadevah || 12 ||
vedabhayeshtankushatankapasha-
-kapaladhakkaksharashulapaniḥ |
sitadyutih panchamukho’vatanmam-
-ishana urdhvam paramaprakashah || 13 ||
murdhanamavyanmama chandramaulih
phalam mamavyadatha phalanetrah |
netre mamavyadbhaganetrahari
nasam sada rakshatu vishvanathah || 14 ||
payachchruti me shrutigitakirtih
kapolamavyatsatatam kapali |
vaktram sada rakshatu panchavaktro
jihvam sada rakshatu vedajihvah || 15 ||
kantham girisho’vatu nilakanthah
panidvayam patu pinakapaniḥ |
dormulamavyanmama dharmabahuh
vakshahsthalam dakshamakhantako’vyat || 16 ||
mamodaram patu girindradhanva
madhyam mamavyanmadanantakari |
herambatato mama patu nabhim
payatkatim dhurjatirishvaro me || 17 ||
urudvayam patu kuberamitro
janudvayam me jagadishvaro’vyat |
janghayugam pungavaketuravya-
-tpadau mamavyatsuravandyapadah || 18 ||
maheshvarah patu dinadiyame
mam madhyayame’vatu vamadevah |
triyambakah patu tritiyayame
vrishadhvajah patu dinantyayame || 19 ||
payannishadau shashishekharo mam
gangadharo rakshatu mam nishithe |
gauripatih patu nishavasane
mrityunjayo rakshatu sarvakalam || 20 ||
antahsthitam rakshatu shankaro mam
sthanuh sada patu bahisthitam mam |
tadantare patu patih pashunam
sadasivo rakshatu mam samantat || 21 ||
tishthantamavyadbhuvanaikanathah
payadvrajantam pramathadhinathah |
vedantavedyo’vatu mam nishannam
mamavyayah patu shivah shayanam || 22 ||
margeshu mam rakshatu nilakanthah
shailadidurgeshu puratrayarih |
aranyavasadimahapravase
payanmrgavyadha udarashaktih || 23 ||
kalpantakatopapatuprakopah [kalogra]
sphutat-tahasoccalitandakoshah |
ghorarisenarnavadurnivara-
mahabhayadrakshatu virabhadrah || 24 ||
pattyashvamatangaghatavarutha-
sahasralakshayutakotibhishanam |
akshauhininam shatamatatayinam
chindyanmrdo ghorakutharadharaya || 25 ||
nihantu dasyunpralayanalarchi-
rjvalattrisulam tripurantakasya |
shardulasimharkshavrkadihimsran
santrasayatvishadhanuh pinakam || 26 ||
duhsvapna duhshakuna durgati daurmanasya
durbhiksha durvyasana duhsaha duryashamsi |
utpatatapavishabhitimasadgraharti-
vyadhimshca nashayatu me jagatamadhishah || 27 ||
om namo bhagavate sadasivaya sakalatattvatmakaya sakalatattvaviduraya
sakalalokaikakartre sakalalokabhartrre sakalalokaikahartrre sakalalokaikagurave sakalalokaikasakshine sakalanigamaguhyaya sakalavarapradaya sakaladuritartibhanjanaya sakalajagadabhayankaraya sakalalokaikashankaraya shashankashekharaya shashvatanijavasaya nirgunaya nirupamaya nirupaya nirabhasaya niramayaya nishprapanchaya nishkalankaya nirdvandvaya nihsangaya nirmalaya nirgamaaya nityarupavibhavaya nirupamavibhavaya niradharaya
nityashuddhabuddhaparipurnasaccidanandadvayaya paramashantaprakashatejorupaya
jayajaya maharudra maharaudra bhadravatara duhkhdadavadarana mahabhairava kalabhairava kalpantabhairava kapalamaladhara khatvanga khadga carma pashankusha damaru shula capa bana gada shakti bhindi pala tomara musala mudgara pattisha parashu parigha bhushundi shataghni cakradyayudhabhishanakara sahasramukha damshtrakarala vikatattahasa vispharita brahmamandala nagendrakuṇḍala nagendrahara nagendravalaya nagendracarmadhara mrityunjaya tryambaka tripurantaka virupaksha vishveshvara vishvarupa vrishabhavahana vishabhushana vishvatomukha sarvato raksharaksha mam jvalajvala mahamrityubhayamapamrityubhayaṁ nashayanashaya rogabhayamutsadayotsadaya vishasarpabhayam shamayashamaya chorabhayam marayamaraya mama shatrunuccatayoccataya sulena vidaraya vidaraya kutharena bhindhibhindhi khadgena chindhichindhi khatvangena vipothaya vipothaya musalena nispeshayanispeshaya banaih santadayasantadaya rakshansi bhishayabhishaya bhutani vidravayavidravaya kushmandavetalamarigana brahmarakshasan santrasayasantrasaya mamabhayam kurukuru vitrastam mamashvasayashvasaya narakabhayanmamuddharayoddharaya sanjivayasanjivaya kshutrdbhyan mapyayayayapyayaya duhkhaturram mamanandayaanandaya shivakavacena mamacchadayacchadaya tryambaka sadasiva namaste namaste namaste |
rishabha uvaca |
ityetatkavacam shaivam varadam vyahrtam maya |
sarvabadhaprashamanam rahasyam sarvadehinam || 28 ||
yah sada dharayedmartyaḥ shaivam kavacamuttamam |
na tasya jayate kvapi bhayam shambhoranugrahat || 29 ||
kshinaryurmrityumapanno maharogahato’pi va |
sadyah sukhamavapnoti dirghamayushca vindati || 30 ||
sarvadaridryashamanam saumangalyavivardhanam |
yo dhatte kavacam shaivam sa devairapi pujyate || 31 ||
mahapatakasanghatairmucyate copapatakaih |
dehante shivamapnoti shivavarmanubhavatah || 32 ||
tvamapi shraddhaya vatsa shaivam kavacamuttamam |
dharayasva maya dattam sadyah shreyo hyavapsyasi || 33 ||
suta uvaca |
ityuktva rishabho yogi tasmai parthivasunave |
dadau shankham maharavam khadgaṁ carinishudanam || 34 ||
punashca bhasma sammantrya tadangam sarvato’sprishat |
gajanam shatsahasrasya dvigunam ca balam dadau || 35 ||
bhasmaprabhavatsamprapya balaisvaryadhrtismritih |
sa rajaputrah shushubhe sharadarka iva shriya || 36 ||
tamaha pranjalim bhuyah sa yogi rajanandanam |
esha khadgo maya dattastapomantranubhavatah || 37 ||
shitadharamimam khadgam yasmai darshayasi sphutam |
sa sadyo mriyate shatruh sakshanmrityurapi svayam || 38 ||
asya shankhasya nihradam ye shrnvanti tavahitah |
te murchitah patishyanti nyastashastra vichetanah || 39 ||
khadgashankhavimau divyau parasainyavinashinau |
atmasainyasvapakshanam shauryatejovivardhanau || 40 ||
etayoshca prabhavena shaivena kavacena ca |
dvishatsahasranaganam balena mahatapi ca || 41 ||
bhasmadharanasamarthyacchatrusainyam vijeshyasi |
prapya simhasanam paitryam goptasi prithivimimam || 42 ||
iti bhadrayusham samyaganushasya samatrkam |
tabhyam sampujitah so’tha yogi svairagatiryayau || 43 ||
iti shriskandapurane tritiye brahmottarakhande shivakavacakathanam nama dvadasho’dhyayah |
Related Posts
