Sri Lalitha Pancharatnam lyrics
prātaḥ smarāmi lalitāvadanāravindaṁ
bimbādharaṁ prthulamauktikaśobhināsam |
ākarṇadīrghanayanaṁ maṇikuṇḍalāḍhyaṁ
mandasmitaṁ mṛgamadojjvalaphāladeśam || 1 ||
prātarbhajāmi lalitābhujakalpavallīṁ
raktāṅgulīyalasadaṅgulipallavāḍhyām |
māṇikyahēmavalayāṅgadaśobhamānāṁ
puṇḍrēkṣucāpakusumēṣuśṛṇīrdadhānām || 2 ||
prātarnamāmi lalitācaraṇāravindaṁ
bhakteṣṭadānanirataṁ bhavasindhupotam |
padmāsanādisuranāyakapūjanīyaṁ
padmāṅkuśadhvajasudarśanalāñchanāḍhyam || 3 ||
prātaḥ stuve paraśivāṁ lalitāṁ bhavānīṁ
trayyantavedyavibhavāṁ karuṇānavadyām |
viśvasya sṛṣṭivilayasthitihētubhūtāṁ
vidyeśvarīṁ nigamavāṅmanasātidūrām || 4 ||
prātarvadāmi lalite tava puṇyanāma
kāmeśvarīti kamaleti maheśvarīti |
śrīśāmbhavīti jagatāṁ jananī pareti
vāgdevateti vacasā tripureśvarīti || 5 ||
yaḥ ślōkapañcakamidaṁ lalitāmbikāyāḥ
saubhāgyadaṁ sulalitaṁ paṭhati prabhāte |
tasmai dadāti lalitā jhaṭiti prasannā
vidyāṁ śriyaṁ vimalasaukhyamanantakīrtim || 6 ||
iti śrīmatparamahaṁsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau śrī lalitā pañcaratnam ||
Related Posts
Sri Lalitha Ashtakarika Stotram (Avirbhava Stuti) in English
