Sri Lakshmi Narasimha Darshana Stotram
rudra uvaca |
atha devaganaah sarve rishayashca tapodhanaah |
brahmarudrau puraskritya shanaih stotum samayayuh || 1 ||
te prasadayitum bhita jvalantam sarvatomukham |
mataram jagatam dhatrim cintayamasurishvarim || 2 ||
hiranyavarnam harinim sarvopadravanashinim |
vishnormityanavadyangim dhyatva narayanapriyam || 3 ||
devisuktam japairbhaktya namashcakruh sanatanim |
taishcintyamaana sa devi tatraivavirabhuttada || 4 ||
caturbhuja vishalakshi sarvabharanabhushita |
dukulavastrasamvita divyamalyanulepana || 5 ||
tam drishtva devadevasya priyam sarve divaukasah |
ucuh pranjalayo devi prasannam kuru te priyam || 6 ||
trailokyasyabhayam svami yatha dadyattatha kuru |
ityukta sahasadevi tam prapadya janardanam || 7 ||
pranipatya namaskritya sa prasidetyuvaca tam |
tam drishtva mahishim svasyapriyam sarveshvaro harih || 8 ||
rakshah sharirajam krodham sarvam tatyaja vatsalah |
ankenadaya tam devim samashlishya dayanidhih || 9 ||
kripasudhadrishtya vai niraikshata suran harih |
tato jaya jayetyuccaih stuvatam namatam tatha || 10 ||
taddayadrishtidrishtanam sanandah sambhramo’bhavat |
tato devaganaah sarve harshanirbharamanasah || 11 ||
ucuh pranjalayo devam namaskritya nrukesarim |
drashtumatyadbhutam tejo na shaktah sma jagatpate || 12 ||
atyadbhutamidam rupam bahu bahupadanvitam |
jagattrayasamakrantam tejastikshnataram tava || 13 ||
drashtum sthatum na shaktah sma sarva eva divaukasah |
ityarthitaistairvibudhaistejastadatibhishanam || 14 ||
upasamhritya devesho babhuva sukhadarshanah |
sharatkalendusankashah pundarikanibhekshanah || 15 ||
sudhamaya satapunjavidyutkotinibhah shubhah |
nanaratnamayairdivyaih keyurair katakanvitaih || 16 ||
bahubhih kalpavrikshasya phalayugvitapairiva |
caturbhih komalairdivyairanvitah parameshvarah || 17 ||
japakusumasankashaih shobhitah karapallavaih |
gruhita shankhacakrabhyam udbahubhyam virajitah || 18 ||
varada’bhayahastabhyam itarabhyam nrukesari |
shrivatsakaustubhorasko vanamala vibhushitah || 19 ||
udyaddinakarabhabhyam kundalabhyam virajitah |
haranupurakeyura bhushanadyairalankritah || 20 ||
savyaankasthashriya yukto rajate narakesari |
lakshminrusingham tam drishtva devatashca maharshayh || 21 ||
anandashrujalaih siktah harshanirbharacetasah |
anandasindhumagnaste namashcakrurnirantaram || 22 ||
arcayamasuratmesham divyapushpanulepanaih |
ratnakumbhaih sudhapurnairabhishicya sanatanam || 23 ||
vastrairabharanairgandhaih pushpairdhupairmanoramaih |
dipairnivedanairdivyairarcayitva nrukesarim || 24 ||
tushtuvuh stutibhidivyairnamashcakrurmuhurmuhuh |
tatah prasanno lakshmishasteshamishtanvaran dadau || 25 ||
iti shripadmapurane uttarakhande ashtatrimshadadhikashatatamo’dhyaye shri lakshminarasimha darshana stotram ||
Related Posts
