Rudradhyaya Stuti
Dhyanam
apatala nabhah sthalanta bhuvana brahmandamavisphura-
jyotihsphatika linga maulivilasat purnendu vantamritaih |
astokaplutamekamishamanisham rudranuvakan japan
dhyayedipsita siddhaye dhruvapadam vipro’bhishinchechchhivam ||
brahmandavyapta deha bhasita himarucha bhasamana bhujangaih
kanthe kalah kapardah kalita shashikalah chanda kodanda hastah |
tryaksha rudrakshamalah sulalita vapushah shambhava murtibhedah
rudrah shri rudrasukta prakatita vibhavah nah prayachchhantu saukhyam ||
ityuktva satvaram sambam smritva shankara paduke |
dhyatva yayau ganadhishah shivasannidhimadarat ||
tatah pranamya bahudha kritanjaliputah prabhum |
shambhum stotum matim chakre sarvabhishtapradayakam ||
Ganesha Uvacha
namaste devadevaya namaste rudramanyave |
namaste chandrachudayapyutota ishave namah || 1 ||
namaste parvatikantayaikarupaya dhanvane | (merudhanvane)
namaste bhagavan shambho bahubhyamuta te namah || 2 ||
ishuh shivatama ya te taya mridaya rudra mam |
shivam dhanuryadbabhava tenapi mridayadhuna || 3 ||
sharavya ya shivatama tayapi mridaya prabho |
ya te rudra shiva nityam sarvamangalasadhanam || 4 ||
tayabhichakashihi tvam tanuva mamumapate |
aghorayapi tanuva rudradyapa pakashinim || 5 ||
ya taya mridaya svamin sada shantamaya prabho |
girishantam maharudra haste yamishumastave || 6 ||
bibharshi tam giritradya shivam kuru shivapate |
shivena vacasa rudra nityam vacha vadamasi || 7 ||
tvadbhakti pariputangam mahimsih purusham jagat |
yacca sharva jagatsarvama yakshmam sumana asat || 8 ||
yatha tathavamam rudra tadanyadhapi me prabho |
rudra tvam prathamo daivyo bhishak papavinashakah || 9 ||
adhivakta’dhyavocanmam bhavali ngarachakam muda |
ahin sarvan yatu dhanyah sarva apyadya jambhayan || 10 ||
asau tamroruno babhruh nilagrivah sumangalah |
vilohitostvayam shambho tvadadhishthana eva hi || 11 ||
namo namaste bhagavan nilagrivaya midhushe |
sahasrakshaya shuddhaya saccidananda murtaye || 12 ||
ubhayogartniyorjya ya dhanvanastam pramunchatam |
samprapya dhanuranyesham bhayaya prabhavishyati || 13 ||
asmadbhaya vinashartha madhunabhayada prabho |
yascha te hasta ishavah parata bhagavo vapa || 14 ||
avatatya dhanushcha tvam sahasraksha shateshudhe |
mukha nishirya shalyanam shivo nah sumana bhava || 15 ||
vijyam dhanuridam bhuyat vishalyo banavanapi |
aneshannishavashchapi hyabhurastu nishangathih || 16 ||
kapardino maheshasya yadi nabhurnishangathih |
ishavo pi samarthashchet samarthyetu bhayam bhavet || 17 ||
ya te hetirdhanurhaste midhustama babhuva ya |
taya’sman vishvatas tena palaya tvamayakshmaya || 18 ||
anatatayayudhaya namaste dhrishnave namah |
bahubhyam dhanvane shambho namo bhuyo namo namah || 19 ||
parite dhanvano hetih vishvato’sman vrinaktu nah |
ishudhistava ya tavadasmadare nidhehi tam || 20 ||
hiranyabahave tubhyam senanye te namo namah |
disham cha pataye tubhyam pashunam pataye namah || 21 ||
tvishimate namastubhyam namah saspinjaraya te |
namah pathinam pataye babhlushaya namo namah || 22 ||
namo vivyadhinennanam pataye prabhave namah |
namaste harikeshaya rudrayastupavitine || 23 ||
pushtanam pataye tubhyam jagatam pataye namah |
samsara heti rupaya rudrayapyatatayine || 24 ||
ksetranam pataye tubhyam sutaya sukritatmane |
ahantyaya namastubhyam vananam pataye namah || 25 ||
rohitaya sthapataye mantrine vanijaya cha |
kakshanam pataye tubhyam namastubhyam bhuvantaye || 26 ||
tadvarivaskritayastu mahadevaya te namah |
oshadhinam cha pataye namastubhyam mahatmane || 27 ||
uccairghoshaya dhiraya dhiran krandayate namah || 28 ||
pattinam pataye tubhyam kritsnavitaya te namah |
dhavate dhavalayapi sattvanam pataye namah || 29 ||
avyadhininam pataye kakubhaya nishangine |
stenanam pataye tubhyam divyesudhimate namah || 30 ||
taskaranam cha pataye vanchate parivanchate |
stayunam pataye tubhyam namaste’stu nicherave || 31 ||
namah paricaraya’pi maharudraya te namah |
aranyanam cha pataye mushnatam pataye namah || 32 ||
ushnishine namastubhyam namo giricharaya te |
kulunchanam cha pataye namastubhyam bhavaya cha || 33 ||
namo rudraya sharvaya tubhyam pashupate namah |
nama ugraya bhimaya namashchagre vadhaya cha || 34 ||
namo durevadhaya’pi namo hantre namo namah |
haniyase namastubhyam nilagrivaya te namah || 35 ||
namaste shitikanthaya namaste’stu kapardine |
namaste vyuptakeshaya sahasrakshaya midhushe || 36 ||
girishaya namaste’stu shipivishtaya te namah |
namaste shambhave tubhyam mayobhava namo’stu te || 37 ||
mayaskara namastubhyam shankaraya namo namah |
namah shivaya sharvaya namah shivataraya cha || 38 ||
namastirthyaya kulyaya namah paryaya te namah |
avaryaya namaste’stu namah pratarnaya cha || 39 ||
nama uttarnaya’pi harataryaya te namah |
aladyaya namaste’stu bhaktanam varadaya cha || 40 ||
namah shashpyaya phenyaya sikatyaya namo namah |
pravahyaya namaste’stu hrasvaya’stu namo namah || 41 ||
vamanaya namaste’stu brihate cha namo namah |
varshiyase namaste’stu namo vriddhaya te namah || 42 ||
samvridhvane namastubhyamagriyaya namo namah |
prathamaya namastubhyamashave chajiraya cha || 43 ||
shighriyaya namaste’stu shibhyaya cha namo namah |
nama urmyaya sharvaya’pyavasvanyaya te namah || 44 ||
srotasyaya namastubhyam dvipyaya cha namo namah |
jyesthaya cha namastubhyam kanishthaya namo namah || 45 ||
purvajaya namastubhyam namostuaparajaya cha |
madhyamaya namastubhyamapagalbhaya te namah || 46 ||
jaghanyaya namastubhyam budhniyaya namo namah |
sobhyaya pratisaryaya yamyaya cha namo namah || 47 ||
kshemyaya cha namastubhyam yamyaya cha namo namah |
urvaryaya namastubhyam khalyaya cha namo namah || 48 ||
shlokyaya chavasanyayavasvanyaya cha te namah |
namo vanyaya kakshyaya maunjyaya cha namo namah || 49 ||
shravaya cha namastubhyam pratishrava namo namah |
ashushenaya shuraya namostva’ashurathaya cha || 50 ||
varuthine parmine cha bilmine cha namo namah |
shrutaya shrutasenaya namah kavachine namah || 51 ||
dundubhyaya namastubhyamahanyaya te namah |
prahitaya namastubhyam dhrishnave pramrishaya cha || 52 ||
paraya paravindaya namastikshneshave namah |
sudhanvane namastubhyam svayudhaya namo namah || 53 ||
namah srutyaya pathyaya namah katyaya te namah |
namo nipyaya sudyaya sarasyaya cha te namah || 54 ||
namo nadyaya bhavyaya vaishantaya namo namah |
avatyaya namastubhyam namah kupyaya te namah || 55 ||
avarshyaya cha varshyaya meghyaya cha namo namah |
vidyutyaya namastubhyamidhriyaya namo namah || 56 ||
atapyaya namastubhyam vatyaya cha namo namah |
reshmiyaya namastubhyam vastavyaya cha te namah || 57 ||
vastupaya namastubhyam namah somaya te namah |
namo rudraya tamraya’pyarunaya cha te namah || 58 ||
nama ugraya bhimaya namah shangaya te namah |
namastirthyaya kulyaya sikatyaya namo namah || 59 ||
pravahyaya namastubhyam irinyaya namo namah |
namaste candracudaya prapathyaya namo namah || 60 ||
kimshilaya namaste’stu kshayanaya cha te namah |
kapardine namaste’stu namaste’stu pulastaye || 61 ||
namo goshthyaya grihyaya grahanam pataye namah |
namastalpyaya gehyaya guhavāsaya te namah || 62 ||
katyaya gahvareshthaya hradayyaya cha te namah |
niveshpyaya namastubhyam pamsavyaya te namah || 63 ||
rajasyaya namastubhyam paratpara taraya cha |
namaste harikeshaya shushkyaya cha namo namah || 64 ||
harityaya namastubhyam haridvarnaya te namah |
namah urmyaya surmyaya parnyaya cha namo namah || 65 ||
namopaguramānaya parnashadyaya te namah |
abhighnate cākhkhidate namah prakhkhidate namah || 66 ||
vishvarupaya vishvaya vishvadharaya te namah |
tryambakaya cha rudraya girijapataye namah || 67 ||
manikotirakotistha kantidiptaya te namah |
vedavedanta vedyaya vrisharudhaya te namah || 68 ||
avijneyasvarupaya sundaraya namo namah |
umakanta namaste’stu namaste sarvasakshine || 69 ||
hiranyabahave tubhyam hiranyabharanaya cha |
namo hiranyarupaya rupatitaya te namah || 70 ||
hiranyapataye tubhyamambikapataye namah |
umayah pataye tubhyam namah papapranashaka || 71 ||
midhushtamaya durgaya kadrudraya pracetase |
tavyase bilvapujyaya namah kalyanarupine || 72 ||
apara kalyana gunarnavaya
shri nilakanthaya niranjanaya |
kalantakaya’pi namo namaste
dikkalarupaya namo namaste || 73 ||
vedantabrindastuta sadgunaya
gunapravinaya gunashrayaya |
shri vishvanathaya namo namaste
kashinivasaya namo namaste || 74 ||
ameya saundarya sudhanidhana
samriddhirupaya namo namaste |
dharadharakara namo namaste
dharasvarupaya namo namaste || 75 ||
nihara shailatmaja hridvihara
prakashahara pravibhasi vira |
vireshvarapara dayanidhana
pahi prabho pahi namo namaste || 76 ||
vyasa uvacha |
evam stutva mahadevam pranipatya punah punah |
kritanjaliputastathau pashve dundhivinayakah || 77 ||
tamalokya sutam praptam vedam vedangaparagam |
snehashrudhara samvitam praha dundhim sadashivah || 78 ||
iti shri shivarahasye harakhye tritiyamshe purvarthe ganeshakrita rudradhyaya stutih nama dashamo’dhyayah |
anena shriganeshakrita shlokatmaka rudradhyaya parayanena shri vishveshvarah supritah suprasanno varado bhavatu
Related Posts
