Ishana Stuti
vyasa uvaca |
prajapatinam prathamam tejasam purusham prabhum |
bhuvanam bhurbhuvam devam sarvalokesvaram prabhum || 1 ||
isanam varadam partha drishtavanasi sankaram |
tam gaccha saranam devam varadam bhuvanesvaram || 2 ||
mahadevam mahatmanamisanam jatilam sivam |
tryaksam mahabhujam rudram sikhinam ciravasasam || 3 ||
mahadevam haram sthanum varadam bhuvanesvaram |
jagatpradhanamadhikam jagatpritamadhisvaram || 4 ||
jagadyonim jagaddvipam jayinam jagato gatim |
visvatmanam visvasrjam visvamurtim yasasvinam || 5 ||
visvesvaram visvanaram karmanamisvaram prabhum |
sambhum svayambhum bhutesam bhutabhavyabhavodbhavam || 6 ||
yogam yogesvaram sarvam sarvalokesvaresvaram |
sarvasrestham jagacsrestham varistham parameshthinam || 7 ||
lokatrayavidhataramekam lokatrayasrayam |
sudurjayam jagannatham janmamrtyujaratigam || 8 ||
jnanatmanam jnanagamyam jnanasrestham sudurvidam |
dataram caiva bhaktanam prasadavihitan varan || 9 ||
tasya parisada divya rupair nanavidhair vibhoh |
vamanah jatilah mundah hrasvagrivah mahodarah || 10 ||
mahakayā mahotṣahā mahakarnas tatha pare |
ananair vikrtaih padaih partha vesais ca vaikrtaih || 11 ||
idrśaih sa mahadevah pujyamano mahesvarah |
sa sivastata tejasvi prasadadyati te’gratah || 12 ||
tasmin ghore sada partha sangrame lomaharshane |
draunikarnakrpairguptam mahesvasaih praharibhih || 13 ||
kastam senam tada partha manasapi pradharshayet |
rite devanmahesvasad bahurupan mahesvarat || 14 ||
sthatum utsahate kascin na tasminn agratah sthite |
na hi bhutam samam tena trisu lokesu vidyate || 15 ||
gandhenapi hi sangrame tasya kruddhasya satravah |
visanjna hatabhuyistha vepanti ca patanti ca || 16 ||
tasmai namastu kurvanto devatisthanti vai divi |
ye canye manava loke ye ca svargajito narah || 17 ||
ye bhakta varadam devam sivam rudramumapatim |
iha loke sukham prapya te yanti paramam gatim || 18 ||
namaskurusva kaunteya tasmai santaya vai sada |
rudraya sitikantaya kanisthaya suvarcase || 19 ||
kapardine karalaya haryaksa varadaya ca |
yamyayaraktakesaya sadvrttē sankaraya ca || 20 ||
kamyaya harinetraaya sthanave purusayaca |
harikesaya mundaya kanisthaya suvarcase || 21 ||
bhaskaraya sutirthaya devadevaya ramhase |
bahurupaya sarvaya priyaya priyavasase || 22 ||
ushnisine suvaktraya sahasraksaya midhuse |
girisayā susantaya pataye ciravasase || 23 ||
hiranyabahave rajannugraya pataye disam |
parjanyapataye caiva bhutanam pataye namah || 24 ||
vrksanam pataye caiva gavam ca pataye tatha |
vrksairavrtakayaya senanye madhyamaya ca || 25 ||
sruvahastaya devaya dhanvine bhargavaya ca |
bahurupaya visvasya pataye munjavāsase || 26 ||
sahasrasirase caiva sahasranayanaya ca |
sahasrabahave caiva sahasracaranaya ca || 27 ||
saranam gaccha kaunteya varadam bhuvanesvaram |
umapatim virupaksam daksayajnanibarhanam || 28 ||
prajanam patimavyagram bhutanam patimavyayam |
kapardinam vrsavartam vrsanabham vrsadhvajam || 29 ||
vrsadarpam vrsapatim vrsasringam vrsarsabham |
vrsankam vrsabhodaram vrsabham vrsabheksanam || 30 ||
vrsayudham vrsasaram vrsabhutam mahesvaram |
mahodaram mahakayam dvipicarmanivasinam || 31 ||
lokesam varadam mundam brahmanyam brahmanapriyam |
trisulapanim varadam khadgacarmadharam subham || 32 ||
pinakinam khandaparsum lokanam patim isvaram |
prapadye devam isanam saranam ciravasasam || 33 ||
namastasmai suresaya yasya vaisravanah sakha |
suvasase namo nityam suvrataya sudhanvine || 34 ||
dhanurdharaya devaya priyadhanvaya dhanvine |
dhanvantaraya dhanuse dhanvacaryaya te namah || 35 ||
ugrayudhaya devaya namah suravaraya ca |
namastu bahurupaya namaste bahudhanvine || 36 ||
namastu sthanave nityam namastasmai sudhanvine |
namastu tripuraghnaya bhagaghnaya ca vai namah || 37 ||
vanaspatinam pataye naranam pataye namah |
matrinam pataye caiva gananam pataye namah || 38 ||
gavam ca pataye nityam yajnanam pataye namah |
apam ca pataye nityam devanam pataye namah || 39 ||
pushno dantavinasaya tryaksaya varadaya ca |
haraya nilakantaya svarnakesaya vai namah || 40 ||
iti srimahabharate dronaparvani tryadhikadvisatodhyaaye isanastutih ||
Related Posts
